Македонија

Македонски конзул во Турција баран со потерница во Албанија

Огромен неплатен данок, шверцувани лекови со истечен рок

Властите во Албанија со меѓународна потерница го бараат Билал Кара, еден од сопстениците на групацијата ,,Санте плус” која има своја болница и во Македонија.

 

Албанските медиуми денеска објавија дека 45-годишниот Билал Кара, се бара со потерница од полицијата во Тирана, поради сомнежи за злоупотреби направени преку приватната клиника „Интернешнл Медикер“ – Албанија, поранешна „Санте Плус“ – Албанија.

 

Кара, кој е еден од сопствениците на Клиниката, во 2023 година беше именуван за почесен конзул на Македонија во Република Турција, со седиште во Измир.

 

,,Клиниката е блокирана откако се појавиле индиции дека не пријавила профит во вредност од 1 милион евра. Исто така, за време на проверките, полицијата откри дека оваа клиника давала лекови кои биле со истечен рок или шверцувани производи. Исто така, кај пет вработени беше утврдено дека се неосигурани, објавија албанските медиуми.

Најнови вести од: Македонија

Во недела во Музеј на македонската борба за самостојност концерт на женскиот хор „Фрида“

Во рамки на 25. издание на „Есенски музички свечености“ ќе се одржи концерт на женскиот хор „Фрида од Македонија“ насловен „Фрида Музикотерапија“. Аматерскиот женски хор „Фрида“ е формиран во октомври 2023 година. Основач, раководител и диригент на хорот е Сузана Турунџиева – вокален солист и музички педагог. Хорот функционира во 2 секции/групи составени од по […]

Секој збор може да е казнет – од полноќ почнува изборниот молк за вториот круг

Вечерва на полноќ почнува изборниот молк за политичката кампања за Локалните избори 2025. Молкот, кој почнува вечерва во 0:01 часот, ќе трае до 19:00 часот на 2 ноември, односно денот на изборите во моментот на затворање на гласачките места. За време на молкот медиумите смеат да известуваат за изборите, како и за текот на гласањето, но смеат да објавуваат предизборно рекламирање на кандидатите и нивните партии.

Сиљановска-Давкова: Во мировните преговори со само 7% учество лани жените имаат симболична улога

Родовата еднаквост и зајакнувањето на жените се предуслов за превенција и решавање на конфликтите. Потребно е почитување на основните вредности и принципи преку кои ќе се покаже дека родовата еднаквост не е феминистичка привилегија туку хуманистички императив. Ова беа дел од пораките кои беа испратени на одбележувањето на 25-годишнината од усвојување на Резолуцијата 1325 на Обединетите нации – Жени, мир и безбедност”.

Мециновиќ пред изборникот молк: Од недела повеќе ништо нема да биде исто

Говорејќи за кампањата, Мециновиќ обвини дека на овие избори се случил, како што рече, преседан односно дека јавно бил обелоденет неговиот матичен број, што е кривично дело за кое, како што наведе, правниот тим на Левица веќе се подготвува од понеделник да поднесе тужби и кривични пријави.

To top