Македонски професор Александар Стојков од Правниот Факултет во Скопје за една година објавил 7 книги од неговиот татко по неговата смрт.
Книгите кои се занимаваат со 7 големи светски економисти ги напишал професорот Методија Стојков но никогаш не ги објавил.
,,На денешен ден, пред една година, татко ми си замина од овој свет. Немаше ден да не помислам на него, барем неколку пати. Дали можеше да поживее уште? Не знам. И онака не може да се смени текот на минатото.
Симболична утеха најдов во неговите седум завршени, а необјавени книги. Тоа беше начин да “разговарам” со него уште една година. Со сестра ми ги средивме од технички аспект, обезбедивме лектура и замоливме за научни рецензии. И еве денес, токму на тој ден излезе од печат и последната, седма книга.
Книгите се пишувани во период од 22 години, се однесуваат на седум големи економисти, а едната од нив е во коавторство со проф. д-р Горан Петревски. Огромна благодарност до печатницата, техничкиот уредник, лекторката, рецензентите, Економскиот факултет во Скопје и сите оние кои ни дадоа поддршка и добра мисла.
Ars longa, vita brevis!’, пишува Александар Стојков за аманетот кој го остварил кон неговиот татко.