Во пресрет на усвојувањто на преговарачката рамка за влез на Македонија во ЕУ, Бугарија во јули 2022 година доставила забелешка до Советот на Европската Унија (ЕУ), во која меѓу другото тврди дека македонскиот јазик е заснован врз бугарскиот литературен јазик односно дека македонскиот јазик бил создаден во 1944/45 година во рамките на поранешната Социјалистичка федеративна република Југославија (СФРЈ), објави МКД.МК
Во документот се вели:
„Во врска со став 7 од Заклучоците на Советот за проширување – Северна Македонија и Албанија од јули 2022 година, во врска со став 22 од Преговарачката рамка за пристапување на Република Северна Македонија во ЕУ и споменувањето на официјалниот јазик, според нејзиниот Устав, како јазик на превод на законодавството на ЕУ, Бугарија со ова го повторува следново, бугарскиот литературен јазик има шест регионални пишани норми (кодификации). Три од нив се засновани на дијалекти, а три на бугарскиот литературен јазик. Создавањето на ‘македонскиот јазик’ во 1944/5 година во поранешна Југославија беше чин на секундарна кодификација (рекодификација) заснована на бугарскиот литературен јазик, дополнително ‘збогатен’ со народни форми, со што се симулираше ‘природен’ процес базиран на дијалекти“, пишува во документот што Бугарија го приложила како забелешка до Советот на Европската Унија.
Станува збор за документ кој е приложен како додаток кон пакетот документи поврзани со отворањето на пристапните преговори на Македонија за влез во Европската Унија.
Бугарија планира да издаде монета од две евра на која е напишано дека кирилицата е бугарско писмо, но една, засега, анонимна ЕУ-членка тоа го блокира.
Вето од членка на ЕУ за Бугарија и нејзината монета од 2 евра со натпис „бугарската азбука“