Македонија

Манасиевски: Правосудството треба да биде бастион на правдата, а не бастион на СДС и ДУИ

ВМРО-ДПМНЕ посочува на системски проблеми

На денешната прес-конференција портпаролот на ВМРО-ДПМНЕ, Валентин Манасиевски, оцени дека случаите „Ласкарци“, „Модуларна болница“ и „Мазут“ јасно покажуваат дека правосудниот систем не функционира како што треба и дека сè уште е поврзан со поранешните владејачки гарнитури.

Тој нагласи дека во случајот „Ласкарци“ загинаа 16 лица, а пресудата е укината. За пожарот во модуларната болница, каде што животот го загубија 14 лица, според него сè уште нема подигнато обвинение. Го спомена и случајот „Мазут“ во вредност од 167 милиони евра, за кој истрагата била сопирана.

Манасиевски оцени дека ваквите исходи не се случајни, туку резултат на правосудната структура поставена од СДСМ и ДУИ, која и понатаму ги штити нивните кадри и интереси.

„СДС и ДУИ ја загубија власта, но нивните судии и обвинители останаа последната линија на одбрана на системот што го создаваа со години“, рече Манасиевски.

Тој ги именуваше Ислам Абази, Вилма Русковска, Добрила Кацарска и Африм Фидани како дел од судиите и обвинителите кои, според него, ги бранат поранешните функционери на СДСМ и ДУИ. Според портпаролот, кога станува збор за лица од тој политички круг, предметите се одолговлекуваат, истрагите се затвораат, а пресудите се поништуваат.

„Тоа е причината зошто граѓаните не му веруваат на правосудството“, порача Манасиевски.

Тој заклучи дека од Ласкарци и модуларната болница, па сè до „Мазут“, се работи за истата правосудна мрежа која ги покрива истите политички структури.

„Правосудството треба да биде бастион на правдата, а не бастион на СДС и ДУИ. Времето на недопирливите мора да заврши. Одговорност мора да има за секого“, порача Манасиевски.

Најнови вести од: Македонија

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

Аларм: Секое 10-то дете во Македонија изложено на сексуална злоупотреба на интернет

Секое десетто дете во Македонија на возраст од 12 до 17 години коешто користело интернет било изложено на сексуална експлоатација и злоупотреба. Станува збор за околу 12.000 деца, бројка што ја потврдува и последното истражување на УНИЦЕФ.

(Видео): Проблемот со кравите во Крива Паланка стигна до Обвинителството – Општината поднесе кривични пријави

Крива Паланка, заедно со жителите од засегнатите села, поднесоа неколку кривични пријави до Обвинителството поради институционално непостапување по извршни решенија за одземање на добитокот што слободно шета во градот и пошироко.

To top