„ Не го испратив јас Али Ахмети во политичка пензија, туку гласачите-Албанци. Неговиот јавен молк покажува дека ја разбрал јасно пораката, која му ја испратија тие на овие локални избори. Гласачите-Албанци сфатија дека кога е Ахмети во опозиција тогаш зборува за етничка Албанија и УЧК, но кога е во влада зборува за Отворен Балкан и како да се помират со српскиот народ.“ – нагласи Изет Меџити во интервјуто за ТВ А 2 СиЕнЕн од Албанија.
Натаму телевизијата наведува: Според Меџити, „Ахмети не разбрал дека ДУИ има потреба од реформи и да се претстави со нови лица, со нова програма, со нова визија“. „Ги повторија грешките на локалните избори. Наместо да учествуваат на локалните избори со локална платформа, тие се обидоа со референдуми и легитимитет. Сега кога изгубија на овие избори се потврди дека легитимитетот го има Вреди, која ги претставува Албанците. Сега е јасен епилогот.“ – напомнува Изет Меџити.
Запрашан дали врз резултатот на овие избори повлијае учеството на Али Ахмети и на функционерите на ДУИ изминатиот петок во Тирана за УЧК, Меџити одговори: „Не знам колку ова беше во функција за изборите. Целата логистика беше повеќе за да се промовира Ахмети.”
Тој посочува дека „Ахмети не излезе сѐ уште на конференција за медиуми по 22 години, како што излегувал по секој изборен круг“. „Ова значи дека ја добил пораката од албанскиот гласач.“ – нагласи Меџити.