Македонија

Мицкоски: Компромис за Законот за прекршоци, а за техничката влада сме согласни да се укине

„Денеска јавноста беше сведок на поинаков пристап на решавање на отворени прашања, нешто што можеби не се случувало во изминатите 35 години државност, а тоа е преку плодна дискусија во оваа лидерска средба и во дебата, која во одредена мерка беше полна со предлози и идеи.“ – изјави денеска претседателот на Владата на Република Македонија и лидер на ВМРО ДПМНЕ Христијан Мицкоски. Тој истакна дека средбата била конструктивна. „Голем дел од отворените прашања се отворија. За поголем дел од тие поголеми отворени прашања имаме исто мислење и заеднички јазик, за еден дел, нормално, позициите ни се разликуваат. Но, она, што за мене важно е преку една ваква дискусија, во која што сите чинители присутни на оваа лидерска средба, кажаа јавно дека таа средба била конструктивна.“ – нагласи Мицкоски. „Македонските граѓани во овој период на празници можеа да видат поинакво однесување од политичките чинители, зрело и конструктивно однесување, кое значи надминување на проблемите.’ – додаде тој.

2 минути за читање

Најдовме своевиден компромис за Законот за прекршоци, а за техничката влада генерално сите се согласивме дека треба да замине во минатото, изјави премиерот и претседател на ВМРО-ДПМНЕ, Христијан Мицкоски по денешната лидерска средба во Клубот на пратениците.

Според Мицкоски, ако нема согласност кај сите парламентарни групи да се прифати предлогот за укинување на пржинската влада, таа да важи и за следните избори, па потоа да се укине.Но, како што оцени, ќе треба да се направат измени во Законот за влада зашто има промена во ресорите.

-Јавноста денеска беше сведок на еден поинаков пристап – на отворена, конструктивна дебата полна со предлози и идеи. Се отворија многу прашања. Предложив дебатата да продолжи на ниво на пратенички групи зашто ние сме за надминување на проблемите, а не за создавање нови, истакна Мицкоски.

Тој на лидерската средба, што се одржа по негова иницијатива, беше придружуван од координаторот на пратеничката група на ВМРО-ДПНМНЕ, Никола Мицевски. На средбата од коалициските партнери во Владата присуствува генералниот секретар на ЗНАМ и министер за јавна администрација, Горан Минчев, како и градоначалникот на Тетово, Биљал Касами од коалицијата „Вреди“. Од опозициските пратенички групи присутни беа лидерите на Левица и на ДУИ, Димитар Апасиев и Али Ахмети.

Претседателот на СДСМ, Венко Филипче, кој го одби повикот на Мицкоски, не дојде на средбата.

МИА

Поврзани теми:

ДУИ|СДС|Левица|коалиција Вреди|Лидер на ВМРО ДПМНЕ и претседател на Влада на Република Македонија Христијан Мицкоски|лидерска средба|топ|актуелно

Повеќе на оваа тема:

Најнови вести од: Македонија

ВМРО-ДПМНЕ води три спрема еден пред СДСМ и ДУИ!

Три спрема еден е предноста на објективниот рејтинг на ВМРО-ДПМНЕ пред СДСМ и ДУИ во очите на партиски неопределените граѓани. Тоа го покажуваат сумираните податоци од три анкети, што ги изнесе претседателот на партијата Христијан Мицкоски денеска.

Мицкоски: Цел ни е струја за 5 до 10 отсто поефтина за граѓаните, а на крајот на 2026 Македонија да стане и нето-извозник на струја!

Владата прави потрошувачко портфолио, кое што треба го усогласи со дистрибутерот ЕВН Хоум и со државниот производител ЕСМ со што би се обезбедила просечна цена на струјата за 5 до 10% поевтина од сегашната, најави денеска од Виница премиерот Христијан Мицкоски кој одговараше на новинарски прашања за проектите за искористување на обновливи извори на енергија и како можат да влијаат врз цената на електричната енергија. „Тоа ќе биде нешто што досега не се случило – да ги искористиме поволностите на обновливите извори на енергија, тоа е Сонцето, и во тој микс во текот на целата година да обезбедиме просечна цена на електричната енергија којашто, еве, јас сум умерен оптимист, би била 5 до 10% поевтина од сегашната. Но, ајде да видиме како сето тоа ќе го операционализираме“, рече Мицкоски.

ЕФА: Бугарија да се извини и да ги признае злосторствата врз илјадниците Македонци, поради изразувањето на македонскиот идентитет и противењето на бугаризацијата!

На годишното собрание на Европската слободна алијанса (ЕФА) едногласно е усвоена декларација со која од Бугарија се бара формално извинување за злосторствата врз македонското малцинство за време на комунистичкото владеење, како и спроведување на 14-те случаи пред Европскиот суд за човекови права поврзани со регистрацијата на македонски организации во Бугарија, е наведено во извештајот на ЕФА. Тоа извинување, според ЕФА, треба да ги признае страдањата на илјадници Македонци кои биле тепани, присилно раселувани, понижувани, казнувани, затворани и убивани поради изразување на сопствениот етнички идентитет и поради спротивставување на бугарските политики на денационализација

Жена на диво наплаќа и до 20 евра за влез во кратовска „Куклица“, во спротивно дрско се заканува со оштетување на автомобилите!

Граѓани реагираат револтирано на социјалните мрежи дека извесна жена нелегално наплаќа влез за посета на локалитетот „Куклица“ во Кратовско, еден од најпознатите природни феномени во Македонија прогласен како споменик на културата.

Стефановски: Со што е Филипче задолжен од Софија наместо за концепти на СДСМ да зборува за прашањата на Бугарија, а тие ги предизвикаа и проблемите и ветото?!

„Филипче е насочен само кон критика на ВМРО-ДПМНЕ во доменот на надворешната политика или поконкретно за прашањето со Бугарија. Но, со што е претседателот на СДСМ задолжен во Софија за да ги остави идеолошките и граѓанските концепти на СДСМ на страна? Конгресот на СДСМ можеби бил со работни содржини, за кои јавноста не е запознаена, поради тоа што Венко и СДСМ го обликуваат јавниот говор со македонско-бугарските односи, Јавноста нема увид ниту во тоа кои се новите шест столбови на СДСМ како партија и која е користа од нив за државата.“ – истакнува политичкиот аналитичар Милован Стефановски во разговор за информативниот портал „Локално“ во врска со вчерашниот партиски конгрес и новата програмска платформа на СДСМ.
Сите вести од Македонија

Најнови вести

To top