Македонија

Мицкоски: Купуваме 100 нови возила за Брза помош – За „Млад земјоделец“ 117 пријави со вредност од 70 милиони денари

Новите современи амбулантни возила за Брзата помош ќе бидат распределени во јавните здравствени установи ширум државата, а поддршката за младите земјоделци ќе се стави во функција веднаш по завршувањето на локалните избори.

2 минути за читање


Премиерот Христијан Мицкоски денеска објави дека Владата на Република Македонија одлучила да купи сто нови, современи амбулантни возила. Тој ја соопшти оваа информација, оговарајќи на прашање околу планираната набавка на медицинските возила, поради амортизираноста на постојните. Мицкоски присуствуваше денес на увидот во градежните работи на новата детска градинка во Потстаница, Драчево во Општина Кисела Вода. Тој истакна дека на претходната владина седница е донесена одлуката да се започне процесот за набавка на сто новоопремени амбулантни возила.

“Наш главен приоритет е обновата на овој тип на возен парк во јавните медицински установи, со оглед дека е таму е катастрофална и алармантна состојбата: таму луѓето се потпираат на оние возила, кои се донација. Затоа како Влада на последната седница донесовме одлука за отпочнување на 100 нови модерно опремени возила, кои ќе бидат распределени во јавните здравствени установи ширум државата” – посочи претседателот на владата Мицкоски. 

Тој беше запрашан и за мерката „Млад земјоделец“. „Поради изборните ограничувања, не можеме да ја претставиме, иако е завршен огласот и филтерот е направен. Има 117 корисници-пријавители за околку 70 милиони денари.“ – нагласи Мицкоски. 

Според него, мерката за поддршката за мерката „Млад земјоделец“ е многу значајна, иако бројката 117 не наликува дека е премногу голема. „Станува збор за неколкукратно зголемување, кога ќе се има предвид дека во 2023 година од 44 пријавители само 18 се корисници. Веднаш по завршувањето на локалните избори,  кога ќе ги немаме овие законски ограничувања, ќе биде ставена во функција и формално оваа мерка за поддршка на младите земјоделци.“ – нагласи претседателот на Владата на Република Македонија Христијан Мицкоски.

Поврзани теми:

„Млад земјоделец“|поддршка|Брза помош|Премиер Христијан Мицкоски|Влада на Република Македонија|амбулантни возила

Повеќе на оваа тема:

Најнови вести од: Македонија

(Видео): Македонија со своја „фабрика“ за производство на алатки за вештачка интелигенција

Македонските стартапи, мали и средни претпријатија, студентите и истражувачите наскоро ќе можат да развиваат сопствени решенија со вештачка интелигенција без да инвестираат во скапа инфраструктура. Тоа треба да го овозможи „Везилка“ – првата национална фабрика за вештачка интелигенција, која ќе ги поврзе домашните компании и академската заедница со европските суперкомпјутери и дигитални ресурси.

Тошковски: Интерпелацијата од Левица е обид за блокирање на борбата против криминалот!

Министерот за внатрешни работи Панче Тошковски ја оцени интерпелацијата поднесена од Левица како политички мотивиран обид за попречување на процесите за борба против криминалот и корупцијата. Интерпелацијата е на дневен ред на денешната собраниска седница, пренесе МИА. Во објава на социјалните мрежи, Тошковски посочи дека станува збор за трета интерпелација против него за помалку од две години и оцени дека зад иницијативата стојат политички, а не суштински мотиви. -Левица ја најави третата интерпелација против мене за помалку од две години. Како и претходните две, и оваа беше претставена преку режирана прес-конференција, повеќе како политички настап отколку како иницијатива заснована на аргументи – наведе Тошковски.

Сајкоски: На кого му пречи што има ред во државата? Кога се разбиени 30 организирани криминални групи треба ли да се напаѓа човекот, кој ги прави нервозни криминалците?!

Ѓорѓија Сајкоски, член на ИК на ВМРО-ДПМНЕ и пратеник на денешната седница во Собранието ги праша пратениците од опозицијата на кого му пречи што има ред во државата, што нема проблеми со патните исправи, што се разбиени 30 организирани криминални групи, запленети се 300 проценти повеќе кокаин од она што било претходно во време на СДС.

Зорица пееше, а Заев играше како што му свиреа грчки политичари додека го распродаваше името Македонија и го обезименуваше македонскиот народ!

Што се случувало на журка во Фурка на Халкидики во 2019 година? Познатиот грчки новинар Ставрос Цимас пишува дека во летото 2019 година, тогашниот македонски премиер Зоран Заев се сретнал на вечера со претставници на новата грчка власт предводена од Кирјакос Мицотакис, која претходно силно се противеше на Преспанскиот договор и добил уверувања од грчки еврокосар дека Мицотакис нема да го оспорува договорот. Во книгата „Скриени аспекти на македонското прашање“ Цимас открива низа малку познати детали поврзани со Зоран Заев.

Бугарски националисти поставија во Баница спомен-плоча на идеологот на македонската револуција Гоце Делчев со ознака „Бугарски револуционер“!

Бугарски активисти и националисти деновиве поставиле спомен-плоча посветена на македонскиот револуционер Гоце Делчев во селото Баница, денешно Кариес, во близина на Сер, Грција, а на обележјето го претставиле како „бугарски револуционер“. Грчките власти не биле известени, ниту дале дозвола за поставување на спомен-плочата. Бугарските медиуми пишуваат дека поради тоа има реакции во Грција.

Генијалниот 11-годишник Македон Димитровски, еден од најперспективните млади таленти од регионот, се вброи меѓу најпаметните деца во светот

Македон Димитровски (11) од Македонија постигна исклучителен резултат на американскиот SAT тест – 1440 поени, при што 740 поени освоил по математика и 700 поени по англиски јазик. Станува збор за тест кој е стандардна приемна проверка за запишување на универзитети во САД и се користи за оценување на академската подготвеност на средношколци. Според објавата на неговото семејство, овој резултат го става меѓу највисоко рангираните ученици на негова возраст на глобално ниво, со остварувања, кои вообичаено го постигнуваат кандидати на 17–18 години.
Сите вести од Македонија

Најнови вести

To top