Македонија

Мицкоски: Правдата не смее да чека – следува крај за „длабоката држава“

Мицкоски најави дека по локалните избори годинава нема да има толеранција кон ваквите структури кои функционираат како длабока држава и го бранат криминалот

2 минути за читање

Претседателот на ВМРО-ДПМНЕ, Христијан Мицкоски, имаше свое обраќање на денешниот митинг, со кој се започна кампањата за претстојните локални избори, и кој се одржа во Скопје во Спортскиот центар ,,Јане Сандански“. Тој порача дека промените се видливи во многу сектори, меѓутоа, правосудниот сектор и понатаму останува најголема пречка во земјава. Мицкоски најави дека по локалните избори годинава нема да има толеранција кон ваквите структури кои функционираат како длабока држава и го бранат криминалот, а и дека следуваат реформи, бидејќи правдата веќе не може да чека.

-Овие година и половина секаде започнавме со промени, со заздравување на атрофираниот и заболен систем во распаѓање, и секаде вложуваме труд, од образование, здравство, до економија и земјоделие. Промените се чувствуваат: некаде има повеќе резултати, некаде тие се со послабо од очекуваното темпо, но секаде правиме промени. Морам да признаам дека не сум задоволен од функционирањето на правосудниот систем, кој стана главното упориште на неправдите во државата, таму ќе ги најдете аргатите на системот кој го поразивме и нивните заштитници. Последната брана за правдата во Македонија. И ќе бидам брутално искрен околу дебатата што ја наметнуваат, како сум можел да кажам дека платите на судиите и обвинителите не ги заслужувале. Со чест на исклучоци, сметам дека не само што не ги заслужуваат, туку им се и преценети во однос на тоа колку испорачуваат правда, рече Мицкоски.

Мицкоски истакна дека по изборите нема да има ниту политичка коректност, ниту правна толеранција за структурите кои функционираат како длабока држава и кои го штитат криминалот, а додаде и дека следуваат реформи кои ќе обезбедат правична држава и држава на народот без поделби и паралелни системи.

-Клановската екипираност и нивните отворени релации ги направија да се ѕид на правдата и штит на криминалот на апаратот што го менуваме. Сакам да најавам дека после локалните избори нема да има ниту политичка коректност, ниту правна толеранција кон структурите што функционираат како длабока држава во одбрана на криминалот. Следуваат реформи за кои знам дека некои платени мегафони ќе паѓаат во несвест, но овој пат мора да не биде. Не може веќе правдата да чека, ниту да функционираме во две паралелни, нееднакви Македонии. Доаѓа времето на правда, а Македонија ќе биде само една, таа на народот, таква каква што ја заслужува. Има само една Македонија. Македонија на народот, кажа Мицкоски.

Поврзани теми:

локални избори|Длабока држава|Христијан Мицкоски|топ|премиер

Повеќе на оваа тема:

Најнови вести од: Македонија

„Основачот на УЧК“ Али Ахмети и „Здружението на косовската УЧК“ се „согласија“: протест „против Хаг“ ќе има и во „Скопје на Албанците“ во декември!

„Претседателот на Демократската унија за интеграција и еден од основачите на “Ослободителната национална армија“ – УЧК Али Ахмети, денес во Приштина беше примен од претставници на Организацијата на воени ветерани на Косово. Двете страни се согласија дека следниот протест против неправдите ќе биде организиран во Скопје, како продолжение на општествената и политичката мобилизација.“ – објави […]

Снимени мечка со две помали мечиња како се шетаат низ Шар планина (ВИДЕО)

Од Националниот парк Шар Планина објавија видео-снимка на нивната фејсбук страница, на која се гледа поголема мечка додека се шета со своите две малечки мечиња. „Видеото што го споделуваме е прекрасен потсетник дека кафеавата мечка е вреден, редок и строго заштитен вид на Шар Планина. Да ја почитуваме, да ѝ оставиме простор и да придонесеме […]

Алсат: „Заветот за сојуз“ на Ахмети и ДУИ стана „Скршен завет“, откако Села ги напушти со третина од АА, внесувајќи раскол во опозицијата!

Јавноста постојано ја сметаше како неприродна коалицијата на Алијансата за интеграција со ДУИ, која првично беше формализирана во рамките на Европскиот фронт, а подоцна продолжи во Националната алијанса за интеграција, со оглед на острите линии на анти-ДУИ политиката, што ги развија Зијадин Села и целата АА како партија.“ – нагласува ТВ Алсат во својата редакциска анализа со наслов „Од ‘Завет за сојуз’ до ‘Кршење на заветот’ – се растури коалицијата на Али Ахмети, замина и Зијадин Села со една третина од Алијансата за Албанците“.

Куп пропусти во постоперативниот период во судскиот процес за родилката од Дебар

Во Основниот суд во Струга денеска продолжи судскиот процес за случајот со родилката Јилдиз Веапоска од Дебар која при породување во Струшката болница остана без три органи. Сослушани беа супервештаците, кои кажаа дека првообвинетиот Мухамед Асани како хирург бил одговорен за царскиот рез и за постоперативната состојба на оштетената, но и покрај влошената здравствена состојба не направил дијагностика и ехо за настанатото крварење што довело до хеморагичен шок, кога непотребно ѝ биле извадени три здрави органи.

Беџети: Ќе има коренити реформи и промени во претседателството на ДУИ и Генералниот совет

„Секако дека ќе има промени во раководството: на позициите потпретседател, секретар, во претседателството. Ќе има промени и кај членовите на Генералниот совет како највисок орган меѓу двата конгреса.“ – изјави Блерим Беџети од ДУИ.

Средба Муцунски-Кос: Потврдена е силната посветеност на Македонија на евроинтеграцискиот пат

Муцунски присуствува на неформалната вечера што за шефовите на дипломатиите на шесте земји кандидати и потенцијални кандидати за членство во Унијата од Западниот Балкан ја организира високата претставничка на ЕУ за надворешни работи и безбедносна политика Каја Калас.
Сите вести од Македонија

Најнови вести

To top