Македонија

Мицкоски: СДСМ нема црвени линии, а Филипче со свитканиот ‘рбет ја дарува Бугарија, велејќи „не нѐ интересираат нашите во Пиринска Македонија“!

„Затоа со масовно гласање за број 9 и за ВМРО-ДПМНЕ се прави вистинскиот избор, за твојот човек, за твоето место и за твојата иднина, за да се стави конечно ред и да дојде правда во државата.“ – порача премиерот на Република Македонија и лидер на ВМРО ДПМНЕ Христијан Мицкоски од вчерашниот митинг во Могила.

2 минути за читање

„Првата порака, која ја испратија од СДСМ во оваа кампања, беше нивниот документ, што го нарекоа ‘резолуција на СДСМ’ со така наречени ‘црвени линии“. Но зарем некој денес во Македонија верува дека СДСМ може да биде патриотска партија и да има црвени линии? Зад тој нивен документ се крие прво тоа што тие ги уриваат тешко повратените минимални, но повратени национални и државни позиции, што го стори владата во изминатите 15 месеци. Второ е тоа што тие имаат уште еден подарок за Бугарија, а кој е тој подарок? Претседателот на СДСМ Филипче вели ‘еве, уште еднаш да го свиткаме ‘рбетот без да добиеме ништо, не нè интересираат нашите во Пиринска Македонија’.“ – кажа премиерот на Република Македонија и лидер на ВМРО ДПМНЕ Христијан Мицкоски на вчерашниот митинг во Могила во рамки на кампањата за локалните избори,

Мицкоски напомна дека на своите предизборни митинзи од СДСМ едвај успеваат да соберат по неколкумина присутни. „Ова раководство ја доведе СДСМ како партија под минимумот, под 150 илјади гласа и тие на овие избори ќе се борат жестоко да освојат меѓу 120 и 130 илјади гласа. Но тој е нивен проблем. Очекувам после овие избори да има таму прочистување, реконструкција и нови млади сили, што ќе донесат нова енергија и кои ќе бидат конструктивна опозиција, па да работиме заедно на основа на идеи, аргументи, проекти и визија, а не на црна кампања.“ – нагласи Мицкоски.

Премиерот и претседател на ВМРО ДПМНЕ Христијан Мицкоски истакна дека една од политичките пораки, кои ги испраќа опозицијата во овие предизборни денови, е дека безмилосно ќе ги штити своите аргати и лакеи во обвинителството и судството.

„Јас веќе кажав дека ние немаме намера да ги поддржуваме тие малкумина корумпирани аргати и лакеи на СДСМ и ДУИ во судството и обвинителството. Не ги заслужуваат платите, што ги земаат. Од СДСМ не почекаа ниту еден ден да помине, откако го имав ова кажано, па уште истиот ден се изредија во првите редови да ги бранат.“ – нагласи Христијан Мицкоски, додавајќи дека МВР подготви со докази голем број предмети, но и оти судството и обвинителството ги чуваат во фиока.

 

Поврзани теми:

Бугарија|Венко Филипче|СДСМ|Република Македонија|Премиер Христијан Мицкоски|лидер на ВМРО ДПМНЕ|митинг во Могила|Македонци во Пиринска Македонија

Повеќе на оваа тема:

Најнови вести од: Македонија

Повторно лажна паника – Аларм за дојави на бомби во училиштата

Лажната дојава за бомба е пријавена во 10 училишта во Тетово – четири средни и шест основни – поради што наставата не се одржа во ниту едно училиште во градот. Во меѓувреме, Секторот за образование во Тетово бара одговорност од надлежните органи за испраќањето на овие дојави и за безбедноста на учениците.

Законот за пушење: Терасите на локалите да бидат отворени од две, наместо од три страни

По денешната средба во Владата помеѓу владини претставници и луѓе од Туристичко-угостителската комора, договорено е терасите, односно летните бавчи на рестораните и кафе-баровите да мора да бидат отворени само од две страни, наместо првично предложените три страни, велат од секторот.

Кавадарци ќе го претвора винскиот отпад во нови производи

Преку Фондот за градски експерименти и процесот на зелена и дигитална трансформација, Кавадарци ќе прави чекор напред кон претворање на винскиот отпад во нови производи, развој на циркуларна економија и градење современа еко-туристичка понуда која ги поврзува винариите, културните знаменитости и локалните стопанства.

Нови можности за локалниот бизнис – Шведско-македонската стопанска комора отвора канцеларија во Скопје

Преку проекти за унапредување на локалната бизнис клима, Општината активно работи на подобрување на инфраструктурата, модернизација на административните услуги и директна поддршка на малите и средни претпријатија. Целта е да се унапредат условите за поефикасно водење бизнис, зголемена конкурентност и привлекување на нови инвестиции, кои ќе резултираат со нови работни места и одржлива локална економија.

ДУИ бара „правична и непристрасна постапка“ за Груби, ВМРО ДПМНЕ посочува дека ќе одговара за сите милиони евра, кои ги украл!

ДУИ „позитивно ја оценува одлуката на Артан Груби, да се врати во земјата“, оценувајќи дека „со тоа се создава можност да се изнесат сите аргументи и да се разјаснат прашањата преку транспарентна, правична и непристрасна постапка“. ВМРО ДПМНЕ денес реагираше по апсењето на Артан Груби: „Тој важи како  олицетворение на криминалот и корупцијата предводена од СДС и ДУИ, и конечно ќе се соочи со правдата. Криминалот на бегалецот од правдата Груби достигна над 8 милиони евра. Има укажувања дека оваа сума може да надмине десетици милиони евра, украдени од граѓаните. Дополнителен криминал на Груби заедно со неговиот другар Бајрами, тогашен директор на Државната лотарија, освен што местеле милионски тендери, е и исплаќање аванси на деловни соработници. За целиот овој милионски криминал на Груби знаеше и СДС, но само за да не му пропадне коалицијата и да му потрае власта, молчеше и го одобруваше, со што стана соучесник. Груби крадеше, СДС молчеше и одобруваше. Сега е време на одговорност.“

Високото образование треба да создава стручни луѓе, а државата да бара отчетност од универзитетите

Министерството за образование и наука не е спротивставена страна на академската заедница, напротив во соработка со Универзитетите го започнавме и на ист начин ќе го завршиме Законот за високото образование, изјави министерката за образование и наука Весна Јаневска, пред почетокот на 4-тата јавна дебата, што денес се одржа на Универзитетот „Св. Кирил и Методиј“ во Скопје.

За лажна работна виза за Германија тетовка му платила 3 илјади евра на сограѓанин, потоа „испарил“!

Во СВР Тетово, 32-годишна жена од Тетово пријави дека била измамена од едно лице од Тетово за сума од 3.000 евра. Според пријавеното, во текот на 2024 година, таа се договорила со лицето да ѝ посредува за добивање работна виза за Германија и притоа парите му ги исплатила во неколку наврати.

ТВ Телма дојде до видео-снимки на можниот сериски убиец и силувач од Старо Нагоричане! Се истражува смртта на пет жени! (Видео)

Телевизија Телма дојде до снимки, кои се од камери на една од куќите, каде што се гледа осомничениот сериски убиец од Старо Нагоричане. Видеото трае две минути, а на него се појавува крупен маж со подолга јакна и качулка на главата, кој се обидува да ја отвори вратата на куќата. Но таа е заклучена. Според изворите на Телма, се работи за дом кој се наоѓа блиску до местото познато како Коински мост, а во куќата живеела сама повозрасна жена.
Сите вести од Македонија

Најнови вести

To top