По пожжарот кој ноќеска избувна во сервис за возила во скопската населба Пинтија и за кој постои снимка на подметнивачот на пожарот реагираше премиерот Христијан Мицкоски:
„Видовте утрово, се појави снимка како се случува подметнување пожар во Пинтија“, рече Мицкоски кој додаде дека континуирано бил на телефонска линија со градоначалникот на Општина Кисела Вода, со министерот и со луѓето од ППЕ.
„Видовте како дрско се подметнува пожар и тоа е само уште еден доказ за тоа што го зборувам цело време дека за жал постојат центри на моќ коишто се обидуваат да внесат страв, паника кај граѓаните пред изборите и одговорот на прашањето кому тоа му одговара мислам дека со една многу кратка анализа ќе го добиете самите, истакна Мицкоски.
Тој додаде дека досега се идентификувани 20-тина лица за кои постои основано сомнени дека стојат зад подметнати пожари.
Во сервисот во Пинтија имало повеќе автомобили ккои се целосно пеплосани, а гореле и масло и други запаливи материјали, соопшти директорот на ДЗС, Стојанче Ангелов.