Македонија

Мисајловски: Безбедносната состојба во Македонија е стабилна, во постојана координација сме со сојузниците во НАТО

Министерот за одбрана Владо Мисајловски посочи дека државата е во постојана координација со сојузниците во НАТО и оти безбедносните служби редовно разменуваат информации со партнерските земји. Според него, во моментов нема укажувања за директна закана по безбедноста на државата, но институциите остануваат внимателни и подготвени да реагираат, ако се појават опасности. Мисајловски го изјави ова во емисијата „За или против“ на ТВ Алфа.

1 минута за читање



„Членството во НАТО претставува значаен фактор за стабилноста и безбедноста на Македонија. Сојузништвото обезбедува механизми за колективна одбрана, но и подобра координација во справувањето со современите безбедносни предизвици“, потенцира Мисајловски.

Мисајловски додаде дека државата работи на јакнење на одбранбените капацитети и модернизација на Армијата на Република  Македонија, што е дел од пошироката стратегија за зајакнување на безбедноста. Како што посочи, инвестициите во одбраната и соработката со сојузниците се клучни за одржување стабилна и безбедна средина.

„И покрај нестабилноста во некои делови од светот, институциите во Македонија имаат капацитет и подготвеност да ја гарантираат безбедноста на граѓаните, при што редовно се следат сите потенцијални закани и безбедносни предизвици“, посочи министерот за одбрана Мисајловски.

Поврзани теми:

министер за одбрана Владо Мисајловски|НАТО|министер за одбрана|Владо Мисајловски

Повеќе на оваа тема:

Најнови вести од: Македонија

Жена на диво наплаќа и до 20 евра за влез во кратовска „Куклица“, во спротивно дрско се заканува со оштетување на автомобилите!

Граѓани реагираат револтирано на социјалните мрежи дека извесна жена нелегално наплаќа влез за посета на локалитетот „Куклица“ во Кратовско, еден од најпознатите природни феномени во Македонија прогласен како споменик на културата.

Стефановски: Со што е Филипче задолжен од Софија наместо за концепти на СДСМ да зборува за прашањата на Бугарија, а тие ги предизвикаа и проблемите и ветото?!

„Филипче е насочен само кон критика на ВМРО-ДПМНЕ во доменот на надворешната политика или поконкретно за прашањето со Бугарија. Но, со што е претседателот на СДСМ задолжен во Софија за да ги остави идеолошките и граѓанските концепти на СДСМ на страна? Конгресот на СДСМ можеби бил со работни содржини, за кои јавноста не е запознаена, поради тоа што Венко и СДСМ го обликуваат јавниот говор со македонско-бугарските односи, Јавноста нема увид ниту во тоа кои се новите шест столбови на СДСМ како партија и која е користа од нив за државата.“ – истакнува политичкиот аналитичар Милован Стефановски во разговор за информативниот портал „Локално“ во врска со вчерашниот партиски конгрес и новата програмска платформа на СДСМ.

Меџити: Ќе изградиме Албанска библиотека над плоштадот „Скендербег“, заради читање, учење и културен развој

Градоначалникот на Општина Чаир, Изет Меџити, најави дека Општина Чаир ги започнува постапките за реализација на значаен културен проект – трансформација на просторот над плоштадот „Скендербег“ во Албанска библиотека. Како што е најавено, новата библиотека ќе биде современ простор наменет за ученици, студенти, истражувачи и сите граѓани, создавајќи нови можности за читање, учење, истражување и културен развој.

Мицкоски за блокадата од Бугарија и претходната власт: Кратковидо потпишаа бел лист хартија и направија голема штета и проблеми, кои ќе мора сега Владата да ги решава!

Премиерот Христијан Мицкоски денеска упати остра порака во врска со застојот околу акцискиот план за малцинствата и блокадите од Бугарија. Одговарајќи на новинарско прашање каде е застојот и зошто Бугарија го блокира процесот, Мицкоски порача дека тоа прашање треба да им се постави на бугарските власти. „Таа политика е веќе со децении, не почнала денес.“ – рече премиерот.

Кузеска: Отворивме ново поглавје за иднината на Македонија

Меѓу предложените мерки се нов закон за борба против корупцијата, проверка на избрани и именувани функционери, проверка на потеклото на имотот, зајакнување на институциите за борба против корупцијата и понатамошна дигитализација на јавните услуги
Сите вести од Македонија

Најнови вести

To top