„Денеска, во Седиштето на НАТО во Брисел учествувам на состаноци на Северноатлантскиот совет заедно со колегите министри за одбрана од сите сојузнички земји.“ – напиша на фејсбук профилот министерот за одбрана Владо Мисајловски.
Натаму во објавата тој истакнува: На денешниот прв состанок заеднички ја потврдивме нашата посветеност и определбата кон колективната безбедност, односно за спроведување на обврските, преземени на Самитот на НАТО во Хаг во јуни, да продолжиме да вложуваме во одбраната и да ги развиваме нашите одбранбени капацитети.
Во своето обраќање истакнав дека Македонија има јасен план за раст на инвестициите во одбраната и остануваме целосно посветени на придонесот кон колективната безбедност, додека македонската Армија засилено ја опремуваме и ја осовременуваме. – порача министерот Владо Мисајловски.