Македонскиот премиер Христијан Мицкоски присуствуваше на вечерата организирана ос црногорскиот претседател Јаков Милатовиќ за учесниците на самитот ЕУ – Западен Балкан во Тиват.
„Вечера во организација на претседателот на Црна Гора, Јаков Милатовиќ, во пријатна и пријателска атмосфера со учесниците на самитот“, објави Мицкоски за социјалните мрежи.
Самитот ќе се одржи утре во хотелот „Риџент Порто Монтенегро“, каде што лидерите ќе разговараат за актуелни прашања поврзани со европската интеграција на земјите од регионот и соработката со Европската Унија.
Самитот во Тиват на едно место ќе ги собере преставиците на европските институции и на земји-членки на ЕУ на највисоко политичко ниво. Меѓу нив се претседателот на Европскиот совет Антонио Кошта, претседателката на Европската комисија Урсула фон дер Лајен, францускиот претседател Емануел Макрон, германскиот канцелар Фридрих Мерц, шпанскиот премиер Педро Санчез, италијанскиот премиер Џорџа Мелони и бројни други европски и регионални лидери.