„Нашата борба е Македонија да биде земја во која младите ќе остануваат, а оние што заминале ќе имаат причина повторно да се вратат дома“, порача премиерот Христијан Мицкоски вечерва од Ново Село.
„Да ги оживееме селата, да ги зајакнеме локалните заедници и да создадеме услови за достоинствен живот во секое населено место. Како Влада, остануваме посветени на политики што носат нови инвестиции, подобра инфраструктура, работни места и развој на секој крај од државата. Нашата цел е едноставна, секој човек да може со гордост да каже: ‘Ова е мојот дом и тука ја гледам својата иднина’. Благодарам на жителите и повратниците од Ново Село за топлиот пречек, искрените разговори и довербата. Заедно продолжуваме да градиме посилни општини и посилна Македонија“, рече претседателот на Владата.