„Што се однесува до некакви си компании што треба да го следат раководството на СДСМ, таков тип на однесување и потреба од наша страна апсолутно не постои, ниту е тоа дел од мојот карактер, ниту имам некаква намера да се занимавам со такви естрадни политики.“ – одговори премиерот Христијан Мицкоски на новинарско прашање откако вчера опозицијата обвини дека власта ангажирала приватна разузнавачка агенција да ја следи.
– Насочен сум на развојот на државата и подобри услови за живот на граѓаните, имајќи ги предвид тешките времиња во кои живееме. А политичките партии кои живеат во својот сопствен свет на лагите ги оставам да останат таму и од ден на ден сѐ повеќе се маргинализираат и ги разочаруваат граѓаните – додаде Мицкоски.
