Премиерот Христијан Мицкоски денеска ќе ја претстави новата инвестиција на компанијата Jav Automotive во ТИРЗ Тетово, проект со кој се очекува отворање на повеќе од 400 нови работни места.
Компанијата е дел од автомобилската индустрија и е специјализирана за дизајн и производство на безбедносни системи, механизми и оперативни кабли за потребите на водечки светски производители на автомобили.
Покрај во Турција, корпорацијата има свои капацитети и деловно присуство во Канада, Германија и Словачка. Новата инвестиција во Тетово се очекува да придонесе за зголемување на вработеноста и натамошен развој на автомобилскиот сектор во земјава.