Министерот за надворешни работи и надворешна трговија на Република Македонија, Тимчо Муцунски, ги осуди најновите ирански ракетни и дронски напади врз Обединетите Арапски Емирати, оценувајќи ги како опасна ескалација и грубо кршење на меѓународното право.
„Ги осудувам најновите ирански ракетни и дронски напади врз Обединетите Арапски Емирати. Овие удари врз цивилна и критична инфраструктура претставуваат опасна ескалација и сериозно нарушување на меѓународното право“, напиша Муцунски на социјалната мрежа Х.
Тој истакна дека Македонија стои во целосна солидарност со Обединетите Арапски Емирати, нивниот народ и институции.
„Агресивните и дестабилизирачки дејствија на Иран ја загрозуваат регионалната и глобалната безбедност и мора веднаш да престанат“, додаде министерот.
Оваа реакција доаѓа во контекст на зголемените тензии на Блискиот Исток, при што Македонија ја потврдува својата позиција на осуда на насилството и поддршка на меѓународниот правен поредок и суверенитетот на државите.
I strongly condemn Iran’s latest missile and drone attacks against the United Arab Emirates. These strikes against civilian and critical infrastructure represent a dangerous escalation and a grave violation of international law.
🇲🇰 stands in full solidarity with the 🇦🇪, its…
— Timco Mucunski (@TimcoMucunski) May 5, 2026