МВР ги истражува свирежите за македонската химна и националистичките испади на финалето Силекс-Шкендија и веењето странски знамиња на протестот во Скопје!

Исвиркувањето на државната химна на Република Македонија на вчерашното финале од Купот на Македонија помеѓу Силекс и Шкендија, како и националистичките скандирања и транспаренти, сега се цел на проверки на МВР. Од МВР истакнуваат дека се преземаат активности за утврдување на можни прекршувања на јавниот ред и мир.

21. мај 2026. — 16:55 1 минута за читање

„СВР Скопје презема соодветни мерки и активности за утврдување на околностите и казнување на прекршителите на јавниот ред и мир на фудбалскиот натпревар“, велат од МВР.

Полицијата постапува и за случувањата на студентскиот протест на 18 мај 2026 година во Скопје, на кој се бараше правосудниот испит да може да се полага и на албански јазик, но со националистичка реторика, извици „УЧК, УЧК“ и без истакнување на државното знаме во сооднос со знамињата на странски држави, односно албански, американски и знамиња на Европската Унија.

„СВР Скопје презема соодветни мерки и за случувањата на протестот одржан на 18.05.2026 година по што ќе следуваат соодветни поднесоци“, посочуваат од ресорното министерство. На завршниот натпревар на Купот меѓу Силекс и Шкендија се случија сериозни инциденти на трибините. Навивачите на Шкендија не станаа за време на исполнувањето на химната на Македонија, а од трибините одекнуваа силни свирежи.

Во текот на натпреварот беа скандирани и навредливи и националистички пароли, меѓу кои „ФФМ пе*ери“ и „United Albania“, а беа фрлани и топовски удари кои завршуваа на тартан-патеката на Националната арена „Тодор Проески“.

Поврзани теми:

Најнови вести од: Македонија

Нови случаи на западнонилска треска во земјава

Вирусот првпат оваа сезона е детектиран и кај жител од скопско Арачиново.

пред 1 час

Почина 72-годишен скопјанец од западнонилска треска в болница

Седумдесет и двегодишен скопјанец почина по компликации од западнонилска треска, соопшти денеска директорот на Инфективната клиника во Скопје, Фадил Цана. Пациентот бил со тешка клиничка слика на менингоенцефалитис, а уште при приемот во болница бил во тешка општа состојба.

пред 1 час

Нов земјотрес почувствуван во Македонија

Епицентарот бил лоциран на координати 41,890 степени северна географска широчина и 20,770 степени источна географска должина, во планинскиот предел западно од Тетово и северозападно од Гостивар.

пред 3 часа

(Видео): Со синовите бевме на научнообразовна екскурзија во Белгија, рече премиерот за еднонеделното патување

„Јас не сум љубител на големи годишни одмори со солена вода, со песочни плажи итн. и си рековме – екскурзијата да ја прошириме и тоа да биде научнообразовна екскурзија во Белгија“, изјави премиерот Христијан Мицкоски.

пред 4 часа

(Видео): Пожарот на Жеден го гаснат трите „ер трактори” на ДЗС

Врз пожарот на Жеден, во Општина Јажинце, дејствуваат трите „ер трактори” на Дирекцијата за заштита и спасување, информираше директорот на ДЗС Стојанче Ангелов.

пред 4 часа

Пронајдени вооружени луѓе во строго-заштитено подрачје на Пелистер

Ренџерската служба на Националниот парк „Пелистер“, во соработка со СВР Битола, спровела повеќечасовна акција за пронаоѓање лица вооружени со огнено оружје, кои навлегле длабоко во територијата на паркот.

пред 5 часа

Кисела вода добива сè повеќе првачиња

Градоначалничката на Кисела Вода, Бети Стаменкоска Трајкоска, рече дека изградбата на салата во Припор е реализација на долгогодишно барање на жителите. Таа нагласи дека проектот е реализиран во соработка со Владата и Министерството за образование.

пред 5 часа