Македонија

МВР: Лажна дојава на бомба на Меѓународниот аеродром во Скопје

Околу 06:00 часот, аеродромот ја продолжил својата работа со редовен режим на летање

„Нема откажани летови на Меѓународен аеродром Скопје, но сообраќајот беше времено запрен до 6:00 часот утринава, односно сé додека МВР не извести дека е безбедно операциите на аеродромот да продолжат по редовниот распоред“, велат од скопскиот аеродром.

Рано утринава до Единицата за информирање и командување при Министерството за внатрешни работи (МВР) пристигнала дојава за поставена експлозивна направа во авион на Меѓународниот аеродром Скопје.

Согласно предвидените процедури, аеродромските служби и сите релевантни институции биле веднаш известени, а активирани биле и плановите за постапување при вакви ситуации.

Единиците на МВР, во координација со Одделот за обезбедување на ТАВ Македонија, спровеле детални проверки и утврдиле дека дојавата била лажна.

Министерството за внатрешни работи соопшти дека лажна била дојавата за поставена бомба на Меѓународниот аеродром Скопје.

„Денеска (16 август) во 02:41 часот на бројот 112 била добиена пријава дека во авион кој требало да полета за Турција е поставена експлозивна направа. Веднаш биле ангажирани единиците за антитероризам кои извршиле детални проверки, при што било утврдено дека станува збор за лажна дојава.

Околу 06:00 часот, аеродромот ја продолжил својата работа со редовен режим на летање“.

Од МВР најавија дека се преземаат мерки за откривање на лицето што ја упатило дојавата.

Најнови вести од: Македонија

Врз 13 пациенти непотребно се правеле операции – министерството за здравство ќе проверува кој си играл со здравјето на луѓето?!

Комисија веќе имаше состанок, заврши со осумте наоди кои ги имаме, имаме уште пет други кои ќе продолжат, надворешната комисија ќе дојде кога ќе бидеме спремни. Не се правно договорени заради законските пречки, тоа ќе биде после изборите, рече ресорниот министер.

Град Скопје со кривична пријава кон „Комунална хигиена“ оти не го собира ѓубрето

Проблемот со отпадот во Скопје не е само сега, тој се провлекува со години наназад, а дел од општините преку разни активности со свои капацитети се обидуваа колку толку да исчистати покрај тоа што граѓаните редовно плаќаат за оваа услуга.

To top