Попова Шапка утрово беше најстудено место во земјава со измерени -3 степени. Во Маврово беа измерени -1 степен, додека во Лазарополе и во Крушево беа измерени нула степени..
На Попова Шапка има и најмногу снег – 57 сантиметри.
Најмногу дожд во изминатото деноноќие наврна во Маврово (седум литри на метар квадратен), потоа во Битола шест, Охрид пет, додека врнежи имаше и во Претор, Попова Шапка, Берово, Лазарополе, Виница, Тополчани, Скопје, Демир Капија, Крушево.
Времето денеска ќе биде под влијание на циклонска активност, која ќе донесе врнежи од дожд. Поради спуштање на ладна воздушна маса, на планините и некои од повисоките места врнежите од дожд ќе преминуваат во снег. Ќе дува засилен повремено силен ветер кој наместа ќе достигнува и над 70 km/h. Максималната температура ќе биде во интервал од 7 до 12 степени.
Во Скопје, претежно облачно со врнежи од дожд. Ќе дува засилен до силен ветер од северен правец. Максималната температура ќе достигне до 10 степени.
ТВ21