Во последните три до четири дена се извршени повеќе од 300 инспекциски контроли на бензински станици и не е утврдено криење на залихи на гориво, изјави директорот на Пазарниот инспекторат Влатко Стојкоски. Тој појасни дека околу триесетина бензински станици привремено останале без гориво поради исцрпени резерви, но по ново полнење на резервоарите продолжиле со точење.
Стојкоски најави дека инспекциски контроли ќе се вршат и кај маркетите, дистрибутерите, увозниците и производителите на храна, со цел да се спречи евентуално зголемување на цените и да се следат профитните маржи.
Во однос на можноста за намалување на ДДВ за увоз на енергенси, директорката на Управата за јавни приходи Елена Петрова изјави дека таквите проценки ги прави Владата со ресорните министерства, додека УЈП ќе ги спроведува мерките доколку бидат донесени.
Вчера, кога се крена паника меѓу граѓаните, Регулаторна донесе одлука дизелот во земјава да поскапе за 14,5 денари по литар, а бензините за пет денари, откако во еден момент достигна и до 120 долари за барел.