Македонија

Неодговорно и спротивно на вредностите на ЕУ – Жестока реакција на Дорис Пак до Бугарија за односот кон Македонија

Доста е со ваков однос кон Македонија смета влијателната Германка

Германската политичарка и долгогодишна поранешна европратеничка Дорис Пак упати остра критика кон новата бугарска влада и нејзиниот однос кон Македонија, оценувајќи го како неодговорен и спротивен на европските вредности.

Пак реагира во коментар на ставот на поранешниот германски министер за Европа, Михаел Рот, кој остро ја критикува Бугарија поради нејзиниот однос кон Македонија и блокадата на нејзиниот европски пат.

„Глупавото попречување на патот на Македонија кон Европската унија од страна на Бугарија е неодговорно и мора веднаш да престане. Тоа ја ослабува ЕУ, го дестабилизира Западен Балкан и им користи единствено на Русија, Кина и другите авторитарни актери. Новата бугарска влада треба да се засрами“, напиша Рот на платформата „X“

„Ова е неодговорно и не е во согласност со нашите вредности! Во актуелната ситуација во Европа и светот, повеќе од кога било досега мораме да стоиме заедно и да не создаваме проблеми со нашите соседи. Бугарија го правеше тоа премногу долго со Македонија, доволно е веќе – во интерес на сите нас“, напиша Дорис Пак.

Изјавата на Пак доаѓа непосредно по формирањето на новата бугарска влада под Руман Радев и првите изјави на новата министерка за надворешни работи, Велислава Петрова-Чамова.

Таа на средбата со македонскиот министер Тимчо Муцунски и во јавните настапи во Брисел повторно ја потенцираше бугарската позиција дека Македонија мора строго да се придржува кон договорот од 2022 година, вклучително и уставните измени и други обврски, предупредувајќи дека во спротивно ризикува да ја пропушти можноста за напредок во ЕУ.

Пак, која е позната како силен поддржувач на европската интеграција на Западен Балкан, повикува на итна деескалација.

Пак нагласува дека во време на војна во Украина и зголемени геополитички ризици, земјите од регионот мораат да работат заедно, а не преку нови или продолжени билатерални блокади кои го забавуваат патот кон Европската Унија.

„Доволно е веќе“, порачува Пак, јасно ставајќи го акцентот дека долготрајното блокирање и условувањето од бугарска страна станале контрапродуктивни и штетни за интересите на целиот регион и Европа.

Поврзани вести

Михаел Рот: Глупавото попречување на Македонија на патот кон ЕУ од Бугарија мора да престане

Кој во Софија ја уништува Македонија од внатре анализира германски експерт

Новата бугарска министерка за надворешни работи продолжува со „проект за уништување на Македонија одвнатре“

Најнови вести од: Македонија

Николоски од Виена: Реализираме инфраструктурни проекти вредни до 6 милијарди евра

Николоски нагласи и дека на Македонија ѝ се потребни меѓународни пријатели и силни партнерства, додавајќи дека преку ваквите форуми се создаваат можности за нови форми на институционална соработка со европските партнери.

(Фото): Ова е најтешкиот буџет, се враќаат две милијарди евра, ќе има и поголеми плати, најави министерката за финансии

Јавниот долг заклучно со третиот квартал годинава, според податоците од Министерството за финансии, изнесува 10 милијарди 930 милиони евра или 56,6 проценти од БДП. До крајот на годината, во согласност со сегашните проекции, би требало да изнесува 11.250 милиони евра или 58,2 проценти од БДП, а државниот долг да биде 51 процент.

Уставни измени во 2001: Треба да се спречи Македонија и целосно да ја изгуби својата „македонска душа“ како држава! (3)

Ноемвриските уставни амандмани од 2001 година „инсталираа“ „фабрички дефект“ во функционирањето на политичкиот систем преку воведувањето на „консензуалната“, „договорна демократија“, предвидена да ја практикуваат „етничките поглавари“ на Македонците и Албанците. Експертите посочуваат дека таквата „договорна демократија“ ја претвори Македонија во непрогласена „двонационална држава“ со „отворена перспектива“ наместо унитарна држава да стане и „двокантонална федерација“, или можеби и конфедерација. Сегашната претседателка на Република Македонија Гордана Силјановска-Давкова учествувајќи на една научна расправа во МАНУ пред 19 години, тогаш како професорка по уставно право и уставен систем, констатираше дека „во 2001 година врз македонската држава беше спроведен рамковен и уставен инженеринг во режија на меѓународната заедница“. Силјановска-Давкова уште тогаш имаше изнесено предупредување дека е реална заканата „Македонија да стане ‘држава без душа“.

Мицкоски за ужасниот напад врз девојката во Охрид: Жестоко го осудувам ова дивјаштво! – Сѐ ќе сториме сторителот да одговара пред правда!

Премиерот Христијан Мицкоски упати остра осуда за нападот врз младата девојка во Охрид, изразувајќи поддршка до нејзиното семејство, ветувајќи дека институциите ќе сторат сè сторителот да биде изведен пред лицето на правдата.

To top