Македонија

Неофицијално: Се запленуваат рекордни 27 тони марихуана низ Македонија

Бројот на осомничени и точните квалификации на кривичните дела во македонскиот дел од истрагата ќе бидат соопштени по завршување на целосната истражна постапка, кога се очекува и официјална потврда за вкупната заплена од над 27 тони марихуана.

Вечерва во Скопје полициските сили ја завршуваат заплената на речиси десет тони марихуана, која е директно поврзана со петте тони одземени претходно во Србија.

Дрогата била складирана во објект на компанијата осомничена за учество во нелегалниот шверц, според информации од извори вклучени во истрагата.

Паралелно се спроведува и втора акција на повеќе локации надвор од главниот град, каде што се одземаат дополнителни осумнаесет тони марихуана. Според неофицијални сознанија, втората заплена се одвива во регионот на Струмица.

Операцијата, која трае во текот на целиот ден, ја координира Министерството за внатрешни работи под надзор на Обвинителството за гонење организиран криминал и корупција.

Со овие дејствија вкупната одземена количина изнесува околу 27 тони марихуана, што претставува најголемата позната конфискација на наркотични средства во историјата на Република Македонија.

Акцијата следи по настаните од пред четири дена, кога во Србија беа откриени и одземени пет тони марихуана.

Српските власти соопштија дека дрогата потекнувала од Македонија и била наменета за тамошниот пазар, а била складирана во магацин поврзан со семејство од село во околината на Крушевац.

Во центарот на истрагата се наоѓа трговското друштво „Алфафарм ДОО Скопје“, регистрирано во 2023 година со дејност одгледување и преработка на билки, ароматични и лековити растенија за фармацевтски цели.

Според податоците од Централниот регистар, друштвото располага со основен капитал од околу 529.000 евра и има повеќе ко-сопственици.

Забележително е што во сопственичката структура се случиле промени непосредно пред заплената на петте тони во Србија.

Македонските институции засега не објавуваат официјални детали, со образложение дека акцијата е сè уште во тек.

Во кругот на поранешниот индустриски комплекс ОХИС, каде што е регистрирано седиштето на „Алфафарм ДОО Скопје“, забележано е засилено присуство на полициски сили, истражители од Обвинителството и медицински лица.

Во Србија, според официјалните информации, осомничени се пет лица, од кои две се уште се недостапни за органите на прогонот. Тие се товариат за неовластено производство и ставање во промет на наркотични дроги.

Бројот на осомничени и точните квалификации на кривичните дела во македонскиот дел од истрагата ќе бидат соопштени по завршување на целосната истражна постапка, кога се очекува и официјална потврда за вкупната заплена од над 27 тони марихуана.

Најнови вести од: Македонија

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Муцунски: Проширувањето на ЕУ е геополитичко обединување на Европа и стратешка инвестиција во постабилен и побезбеден континент

Министерот за надворешни работи и надворешна трговија Тимчо Муцунски синоќа во Скопје се обратил на конференцијата „Безбедноста во Западен Балкан“, организирана од германскиот институт „Аспен“ (Aspen Institute Germany) во соработка со Министерството за надворешни работи и надворешна трговија.

Најнови вести

To top