Македонија

Неправилностите во Лотарија се од поранешното раководство, реагира Државна лотарија по ревизорскиот извештај

Акционерското друштво за приредување игри на среќа – Државна лотарија на Македонија најостро реагира на дел од медиумските написи во кои се тврди дека Државниот завод за ревизија утврдил значителни неправилности во финансиското работење на Друштвото за 2024 година, без притоа, како што наведуваат, да се направи јасна разлика помеѓу периодот на управување на поранешното и на актуелното раководство.

2 минути за читање

Од Државна лотарија оценуваат дека објавените наводи се неосновани, тенденциозни и нецелосни, бидејќи не е направена временска и управувачка разграниченост помеѓу периодот кога Друштвото било управувано од претходното раководство на СДСМ и ДУИ и периодот на работа под новото раководство. Според нив, ваквиот пристап создава погрешна слика во јавноста и доведува до манипулативно поврзување на констатации од различни временски периоди, што, како што наведуваат, претставува сериозно отстапување од принципите на објективно, точно и одговорно информирање.

Од Државна лотарија посочуваат дека новото раководство веднаш по преземањето на функцијата проактивно и транспарентно се обратило до Државниот завод за ревизија, со официјално барање поднесено на 12 септември 2024 година, со кое било иницирано спроведување целосна ревизија на финансиските извештаи и на целокупното работење на Друштвото.

Целта на ова барање, како што се наведува, била утврдување на фактичката состојба, идентификација на евентуални неправилности наследени од претходното раководство, како и воспоставување засилен систем на финансиска дисциплина, отчетност и законитост.

Во тој контекст, од Друштвото оценуваат дека селективното пренесување на поединечни делови од ревизорскиот извештај, без јасно наведување на временската рамка и одговорното раководство, претставува недозволива медиумска интерпретација која директно го нарушува угледот на Државна лотарија и на актуелното раководство.

Редакцијата на МКД.мк објави текст во кој има линк кој води до Извештајот на Државниот завод за ревизија и во кој точно е утврдена временската рамка за која се изготвени забелешките. Државниот завод за ревизија соопшти дека за сите утврдени неправилности дал конкретни препораки, а за сомнежите за незаконско работење и злоупотреба на средства ги известил надлежните органи за понатамошно постапување.

Поврзани теми:

ревизија|топ|Скандал|пари|злоупотреба|Лотарија

Повеќе на оваа тема:

Најнови вести од: Македонија

Николоски од Вашингтон: САД остануваат стратешки партнер број еден на Македонија

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .

Уставниот суд ги отфрли иницијативите, со кои се оспоруваше уставноста на „Безбедниот град“

Уставниот суд ги отфрли иницијативите да се оспори системот „Безбеден град“, односно дел од одредбите на Законот за прекршоци. Иницијативи со кои се бараше да се оспори „Безбеден град“ поднесоа двата дела на Алијансата за Албанците, предводени од Зијадин Села и од Арбен Таравари, како и студентот Или Пачуку, поради неупотребата на албанскиот јазик во пораките за прекршоци. Забелешката е и за, како што се тврдеше, „спроведувањето на системот само во Скопје, Тетово и во Куманово“, потоа и за обврската за поседување мобилен телефон и интернет-адреса заради доставување на пораките, но и за наводна „селективна примена на Законот и за дискриминација на Албанците“. Со иницијативите се бараше Уставниот суд да ги поништи „спорните“ одредби.

Мицкоски: Зголемен е бројот на странските инвеститори, што се задоволни од бизнис климата во државата и кои се подготвени да ја зголемат својата инвестиција

„За нас странските инвеститори се исклучително важни исто како и домашните инвеститори, бидејќи економијата е една од главните приоритети на функционирањето на оваа Влада, како и сѐ друго, што е составен дел во таа борба за колку е можно подобра економија.“ – истакна премиерот Христијан Мицкоски по работната средба со Советот на странски инвеститори.

Samsung Galaxy S26 Серијата и Galaxy Buds4 Серијата сега достапни ширум светот

Galaxy S26 серијата бележи двоцифрен раст во нарачки, додека Galaxy S26 Ultra е избор на 70% од потрошувачите, заедно со Galaxy Buds4 серијата со неверојатен звук.
Во Европа, уредот Galaxy S26 Ultra бележи 20% раст на нарачките на годишно ниво

Сите вести од Македонија

Најнови вести

To top