Земјотрес со јачина од 2,8 степени според Рихтеровата скала попладнево е регистриран во западниот дел на Македонија, во поширокиот регион меѓу Тетово и Гостивар. Тој е почувствуван на запад, информира Сеизмолошката опсерваторија при Природно-математичкиот факултет во Скопје.
Земјотресот бил регистриран во 16:10 часот, со епицентар во тетовско-гостиварското епицентрално подрачје, на околу 47 километри југозападно од Скопје. Неговата локална магнитуда изнесувала 2,5 степени според Рихтеровата скала. Потресот бил почувствуван од жителите на Гостивар и околината, со интензитет од III до IV степени според Европската макросеизмичка скала.