Македонија

Нова зимска епизода во Македонија: Новиот бран носи и снег

Граѓаните во повисоките села и планинските региони да се подготват за можни прекини на струја и сообраќај.

2 минути за читање

Македонија влегува во нова зимска епизода – од ноќеска (1/2 февруари 2026) значително поладен воздух од север ќе се спушти кон Балканот сѐ до Јонското Море и јужниот Јадран. Овој продор ќе предизвика формирање на секундарен зимски циклон, кој ќе донесе врнежи од снег во поголемиот дел од земјава.

Најинтензивни снежни врнежи се очекуваат на планините, скијачките центри и населбите над 800–900 m н.в. Нова снежна покривка од 10 до 15 cm, локално и повеќе (особено на Шар Планина, Бистра, Пелагонија, Јакупица, Баба Планина, Кораб и сл.). Ова се одлични вести за зимските туристички центри – снежните услови значително ќе се подобрат.

Снег се очекува во дел од градовите, особено во западните и северните предели (Дебарско-кичевско подрачје, Гостиварско, Тетовско, Кумановско, делови од Полошкиот регион). Можна е тенка, но видлива снежна покривка (2–8 cm), најверојатно во утринските часови и при поинтензивни врнежи.

Во главниот град врнежите ќе бидат претежно дожд, со можност повремено да преминуваат во дожд и снег (особено навечер и утре наутро). Во централното градско подрачје не се очекува трајна снежна покривка, но во повисоките делови од Скопската Котлина (Матка, Кале, Кисела Вода над 400 m, околните села) и на Водно, Јакупица и Китка може да се создаде тенка снежна покривка од неколку сантиметри.

Утре и задутре минималните температури ќе се спуштат на -5 до 0 °C насекаде, а на планините и до -10 °C.
Дневните максимуми ќе бидат помеѓу 0 и 6 °C, на места со снег и под нула.
Ќе дува умерен до силен северен и североисточен ветер, со засилувања на планинските превој и во котлините – ризик од снежни нанеси и намалена видливост.

Зголемена внимателност при патување, особено на планинските премини (Буковик, Стража, Царев Врв, Јабланица, Деве Баир и др.) – можни снежни нанеси и лизгави коловози.

Задолжителна зимска опрема (ланци, лопата, антифриз, ќебе, вода и храна во автомобилот).

Возачите на теретни возила и автобуси да ја избегнуваат ноќната и раната утринска возња на повисоките делници.

Граѓаните во повисоките села и планинските региони да се подготват за можни прекини на струја и сообраќај.

Оваа зимска епизода ќе трае до понеделник/вторник (3–4 февруари), по што се очекува постепено стабилизирање, но со многу ниски ноќни температури.

Поврзани теми:

избор|време|снег|временска прогноза|зимски циклон

Повеќе на оваа тема:

Најнови вести од: Македонија

Неуспешните обиди на Бугарите да ги спречат Кажимјеж Фелешко и други полски македонисти во меѓународната афирмација на самобитноста на македонскиот јазик

Денес, на 3 јули 2026 година се навршуваат 25 години од смртта на истакнатиот полски славист и македонист Кажимјеж Фелешко, еден од големата низа полски македонисти, кој има дадено драгоцен придонес кон меѓународните студии на македонскиот јазик, третиран како засебен јазик во семејството на јужнословенските јазици. Оваа годишнина е повод за осврнувањето на научното творештво негово, но и на цела една голема низа други исто така истакнати полски македонисти, кои повеќе децении во континуитет се вклучени во студиите за македонскиот јазик, во македонистиката во Полска, а со тоа и во широката меѓународна афирмација за македонскиот јазик. Во овој контекст е посебно за истакнување и една од најголемите полски македонистки и членка на Македонската академија на науки и уметности Зузана Тополинска, која во 2020 година ќе изнесе шокантно сведоштво во интервју за „360 степени“ дека Бугарите ѝ нуделе дури и пари да се откаже од македонистиката и македонскиот јазик. „Бугарите се циркус, поради својата несигурност во врска со поради македонскиот јазик!“ – ќе каже академик Тополинска во тоа свое интервју. Во 2005 година професорката Лилјана Минова – Ѓуркова ќе изнесе уште еден вџашувачки момент: при доделувањето на почесниот докторат на науки на Станислав Гајда, полски филолог и македонист, од страна на Универзитетот УКИМ, Бугарите им упатувале и ултиматуми не само на група македонски македонисти, туку и на самиот Гајда, „да се откажат од Македонците и македонските дијалекти во Бугарија“! Ова Ѓуркова го напишала во соодветно полско списание во статија посветена на доделувањето на почесниот докторат на науки на Гајда, инаку полски филолог-македонист, како и член на Полската академија на науки.    

Ошлис: Македонецот Наум Охридски е европски просветител, но и дипломат, а Европа ако ја изгуби Македонија, набргу ќе се изгуби и саматата себеси! (3)

Големиот германски македонист проф.д-р Волф Ошлис силно ја застапува македонската историска перспектива и нагласува дека дејноста и традицијата на Свети Наум Охридски е дел од македонското јазично-културно и просветителско наследство. Во своите истапувања на Меѓународниот семинар за македонски јазик и култура во Охрид во изминатите години Ошлис ја ја аргументирал повеќе пати својата констатација дека Наум е еден од основноположниците на македонската култура, јазик, религија и наука, без никаква врска со други народи во Балканот. Во својот научен труд со наслов „Македонецот Наум Охридски и Германецот Регино фон Прим како европски дипломати“ Ошлис, дури, го означува македонскиот просветител и како еден од првите и тоа врвни европски дипломати, поради развиените контакти, што ги имал со тогашните владетели и видните личности од нивните царски дворови, во рамки на своето учество во тогашната Моравска мисија на македонските и сесловенски просветители Кирил и Методиј, започната во 863 година меѓу народите во Средна Европа.

„СДК“: На „Маркова нога“ ќе се обнови спомен-плочата за седумте младинци од Лерин, ѕверски убиени на 17.1.1944 од бугарскиот фашистички окупатор

„На седумте младинци борци од Лерин, ѕверски убиени на 17 јануари 1944 година од бугарскиот фашистички окупатор“, пишува на спомен-плочата на граничниот премин Маркова Нога. Повторното отворање на граничниот премин Маркова Нога во Преспа ќе нема само политичко, и економско начење. Преминот ќе биде и место за историско сеќавање бидејќи непосредно до него, на македонската страна, се наоѓа спомен-плочата за седумте младинци од Лерин кои беа измачувани и убиени од фашистичките сили за време на Втората светска војна, објави информативниот портал „СДК“.

Монах Амвросиј: Свети Наум ја градеше душата на древниот македонски народ, кој стои со својот идентитет во темелите на европската цивилизација! (2)

„Во тишината на бреговите на Охридското Езеро манастирот ‘Свети Наум’ со векови ја чува духовната светлина на македонскиот народ.  За да ја разбереме духовната мисија на манастирот ‘Свети Наум’ денес мораме да погледнеме во длабочината на нашиот историски и духовен континуитет. Кога Свети Наум го основал овој манастир во 905 година на брегот на Охридското Езеро, тој не градел само ѕидови, туку ја градел душата на еден народ. Ова свето место не е само нем споменик од минатото, туку жива лулка, во која пулсираат македонскиот идентитет и нашата национална меморија. Манастирот ‘Свети Наум’ е жива историска енциклопедија, во која е впишан целиот македонски национален и духовен код. Овде не се вкрстувале само патиштата на обичните луѓе, туку овде се кршеле копјата на најголемите империи, а манастирот секогаш останувал исправен како светилник на нашата самобитност. Затоа, манастирот ‘Свети Наум’ не е само историја. Тој е жив доказ дека еден народ, што го изградил својот идентитет врз писменост, вера и манастирска непокорност, никогаш не може да биде избришан од мапата на светот!“ – нагласува во интервју за „Нова Македонија“ монахот Амвросиј, жител на ова свето место и моментно студент на Московската духовна академија.

Мицкоски: Очекувам во јунскиот извештај на ЕУ да бидеме најдобри исто како во декемврискиот, има уште време за разговори со опозицијата за изборниот закон

Премиерот Христијан Мицкоски денеска повтори дека очекува во јунскиот извештај на ЕУ да бидеме најдобри исто како и во декемврискиот. Тој уште еднаш повика на разговори со опозицијата за Изборниот законик, за што кажа дека се уште има шанса да биде донесен и да биде исполнет и десетиот чекор од зададениот грејс период.
Сите вести од Македонија

Најнови вести

To top