„Остро го осудувам секој вандалски чин и секое дејство, насочено кон уништување на градската опрема поставена во Градскиот парк или, на кое било друго јавно место“, порача Костадиновски. Тој ги повика граѓаните да придонесат за зачувување на јавната инфраструктура и да се воздржат од нејзино оштетување, потсетувајќи дека ваквите постапки предизвикуваат материјална штета и се казниви согласно со закон.
Градоначалникот ја повика јавноста да ги пријавува сите случаи на вандализам до надлежните служби на Општина Виница, посочувајќи дека инспекциските служби ќе спроведуваат вонредни контроли и ќе постапуваат во рамки на своите надлежности.
Костадиновски информира дека службите на Општина Виница и ЈП „Солидарност“ веќе работат на поправка и замена на оштетената градска опрема со нова. Тој упати и апел до Министерството за внатрешни работи да воспостави редовни контроли на оваа локација, заради спречување на ваквите вандалски дејства и за содветно казнување на сторителите.