Лидерот на СДСМ, Венко Филипче преку социјалните мрежи ги обвини ВМРО-ДПМНЕ и Христијан Мицкоски дека не реагирале навреме и не го осудиле нападот врз градоначалничката на Скопје Данела Арсовска.
„Молкот понекогаш зборува погласно од зборовите. И не се работи само за напад врз градоначалничката и службениците од Градот. Се работи за тоа дали секој од нас може без страв да се спротивстави на криминалот. Пораката што власта ја испраќа е дека секој кој ќе се обиде да го обелодени нивниот криминал ќе се соочи со опасност по личната безбедност. Ова е страшно и недозволиво“, напиша Филипче во објава на Фејсбук.
Но, во обид да обвини по секоја цел, Филипче не ја видел реакцијата на советничката група на ВМРО-ДПМНЕ во Град Скопје со која осудува секаков вид на насилство, притисоци и закани.
