Македонија

Обвинителство за случајот „Пулс“: Причината за смртта на секој од починатите е неоспорно докажана

Наодите од обдукцијата укажуваат дека станува збор за комбинација од јаглерод моноксид и други токсични гасови

Откако Здружението на граѓани „16 март 2025“ алармираше за сериозен јаз помеѓу институционалните тврдења и документацијата за обдукција, што покренува прашања за тоа дали вистинската причина за смртта на жртвите во клубот е доволно утврдена.

Од Обвинителството за „Фокус“ ​​нагласуваат дека причината за смртта на секој од починатите е неоспорно утврдена и кај повеќето од нив таа е резултат на задушување од токсични гасови.

„Наодите од обдукцијата укажуваат дека станува збор за комбинација од јаглерод моноксид и други токсични гасови. Поради сомнежи за вонредната токсичност на гасовите што се појавија по пожарот во „Пулс“, јавните обвинители од самиот почеток инсистираа на сите издадени наредби и побараа од експертите да го искажат своето мислење во врска со составот на вдишаните супстанции што беа последица на пожарот.“

„Ваквите детални испитувања беа неопходни од три приоритетни причини: утврдување на причината за смртта на починатиот, како важна околност за третманот на преживеаните, но и за утврдување на причинско-последичната врска помеѓу дејствијата и последиците, што беше потврдено токму со овие вештачења“, велат од Обвинителството.

Додаваат дека стручните извештаи од Институтот за хемија и анализата од Министерството за внатрешни работи-ОФИ на примероци од сите материјали инсталирани во клубот и начинот на нивното согорување ја потврдиле можноста за ослободување на цијанидни гасови како резултат на пожарот.

Најнови вести од: Македонија

Светско признание за министерот Тошковски за „Безбеден град“ (ВИДЕО)

Наградата претставува меѓународно признание за проектот насочен кон подобрување на безбедноста во сообраќајот преку примена на современи технологии, автоматско регистрирање на сообраќајни прекршоци и дигитализација на постапките

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

To top