Според Министерството за здравство, со оваа одлука се настојува да се задржат младите лекари во земјата, да се надмине недостигот од специјалистички кадар и да се зајакнат капацитетите на клиниките, болниците и здравствените домови. Се очекува да се обезбеди порамномерна распределба на медицинскиот персонал и да се скрати времето на чекање за пациентите.
Министерот за здравство Сашо Клековски оцени дека ова претставува вложување во иднината на здравствениот систем и во професионалниот развој на младите лекари, нагласувајќи дека целта е тие својата кариера да ја градат во Македонија.
Вработувањата ќе се реализираат согласно со потребите на јавните здравствени установи, таму каде што е најизразен недостигот од специјалистички кадар.