„Основното јавно обвинителство Скопје постапува и веќе презема дејства на проверки во предметот, оформен по допрен глас на 21.01.2026 година од страна на Јавното обвинителство на Република Македонија околу јавно изнесените наводи од Жан Митрев, доктор и сопственик на Клиника „Жан Митрев“ – Скопје, а кои се однесуваат на тоа дека поранешен премиер и поранешен министер за здравство се обиделе да го принудат да им ги продаде неговите сопственички удели во клиниката. Во предметот се вршат проверки со цел да се испита можното постоење елементи на кривично дело, кое се гони според службена должност,“ – велат од Основното јавно обвинителство од Скопје
Пред неколку ден кардиохирургот и сопственик на болницата д-р Жан Митрев во емисија на ТВ Алфа истакна дека Заев и Филипче во периодот на ковид-пандемијата, барале начин како да дојдат до сопствеништвото врз приватната болница.
„Јас велам, добро, тоа се е во ред. Но покрај тоа што е блокирана болницата, имам и забрана да продавам удели. Тогаш настана мала бркотница, не знам колку време, дали по една седмица, дојде ново решение од обвинителство, можеби е чудно, но дојде ново решение од обвинителство, болницата е блокирана, мојата сметка лична е блокирана, а сѐ ослободува болницата и може да се продаваат удели“, изјави Жан Митрев.