Македонија

Османи го призна поразот од Меџити во Чаир

Кандидатот на ДУИ му честита на противкандидатот и му посака успешно водење на општината во наредните четири години

2 минути за читање

Кандидатот на ДУИ и на Националната алијанса за интеграција, Бујар Османи, го призна поразот од ривалот Изет Меџити од коалицијата „Вреди“ во градоначалничката трка во скопската општина Чаир.

„Почитувани пријатели, поддржувачи и чесни граѓани,

Прво, би сакал да го изразам моето задоволство за денот на изборите. Оценувам дека имавме успешен изборен ден, без големи забелешки, и верувам дека ова е важно да се истакне.
Би сакал да изразам благодарност до сите соработници во текот на кампањата: од активисти и партиски и коалициски пријатели, поддржувачи, форумот на жени. Навистина беше чест да се работи посветено и пожртвувано, процес во кој се создаде убава визија за Чаир, но и многу нови пријателства.
Сепак, во политиката, граѓаните го имаат последниот збор. Доволно долго сум во политиката за да ги препознавам и почитувам пораките што граѓаните ги испраќаат, иако кампањата не беше ни фер ни легална во секој аспект. Но, не сакам да се жалам, затоа што верувам дека искреноста и вредностите имаат смисла само кога ги одржувате дури и во вакви ситуации.
Честитки до мојот противкандидат и целата коалиција што застана зад него, тие се победници на изборите во Чаир и им посакувам успех во водењето на општината во следните четири години.
На крајот, би сакал да му се заблагодарам на моето семејство, тие го носеа најголемиот товар на мојот политички ангажман, но оттаму ја добив и силната поддршка.
За следните политички чекори, во следните денови.
Ви благодарам!“, порача на Фејсбук поранешниот министер за надворешни работи.

 

Поврзани теми:

Изет Меџити|Бујар османи|Чаир|локални избори

Повеќе на оваа тема:

Најнови вести од: Македонија

„Фол“: Таравари се обидува очајнички со патриотски говор да го прикрие својот спектакуларен неуспех во управувањето со Гостивар!

„Пред да зборува за ‘волјата на суверенот’ и за ‘историските победници’,  подобро е Арбен Таравари да ги објасни историските долгови, урбанистичкиот отпад и политичкото дезертерство, што го карактеризираат. Бидејќи историјата не го препознава како симбол на отпор, туку како пример за неуспех, кој се обидува да се скрие зад големи зборови“. – нагласува информативниот портал на албански јазик „Фол“ во својот редакциски коментар со наслов „Таравари, симболот на неуспехот, што се обидува да се маскира со патриотски говор“.

Скопје често се смета за еден од најевтините европски градови – како е оценета макдонската метропола?!

Скопје, енергичниот главен град на Македонија, нуди достапно европско бегство со неверојатни пејзажи, богата историја и уникатни културни искуства. Од убавината на Кањонот Матка до шармот на неговата Стара чаршија, тој е совршена дестинација за патници кои бараат вредност и автентичност.

Османи: Не се повлеков, туку се прекалибрирав! – Загубата е лекција за нова амбиција!

Бујар Османи, кој е по професија хирург во Клиниката за дигестивна хирургија на Клиничкиот центар во Скопје, и натаму е потпретседател на ДУИ. Останува да се види каква своја „нова амбиција“ најавува, за какво „приспособување“ говори, кон што и кон кого можеби, зашто терминот „рекалибрирање“, кој го користи во објавата, има токму такво приближно значење. Политичкиот аналитичар од Македонија Амир Шабани напиша во колумна на 26 октомври дека „Али Ахмети го жртвуваше свесно Бујар Османи, кандидирајќи го воопшто не со цел ‘да станел нов градоначалник на Чаир’“, туку „за да го исфрли од трката за нов лидер на ДУИ, која е веќе започната, зад сцената“! Во наредните денови треба да се искристализира и како ќе се постави Бујар Османи кон раздвижувањата во ДУИ, настанати по дебаклот на локалните избори, кон барањата за понесување одговорност и за оставки, а пред се Али Ахмети да се повлече во „политичка пензија“ како „највиновен за поразот“.
Сите вести од Македонија

Најнови вести

To top