Македонија

Панов: Гоце Делчев е македонскиот код, македонскиот идентитет и тоа што нè сочинува денес

За членот на Историската комисија со Бугарија, великанот е македонски национален херој, кој нè прави горди како Македонци

Членот на македонскиот дел од Историската комисија со Бугарија, Митко Панов, нема дилеми чиј национален херој е Гоце Делчев и дали историјата поврзана со него може да биде заедничка или споделена и да се чествува со источниот сосед.

„Гоце Делчев е македонскиот код, македонскиот идентитет и тоа што нè сочинува денес. Ние сме горди кога нашата македонска химна се интонира и во која прв е Гоце Делчев. И тоа нè прави горди и ќе нè прави во иднина како Македонци и како македонска нација“, категоричен е редовниот професор на Институтот за национална историја во „Тема на денот“ на ТВ Сител.

„Гоце Делчев е наш, македонски национален херој. Тој е дел од колективната меморија на македонскиот народ. Со Гоце се раѓаме, со Гоце умираме. И во Манифестот на АСНОМ се повикуваат сите гордо да го кренат знамето на Гоце. Со таа идеја, со името Гоце се гинело за слободата на Македонија. Оттаму нема простор да имаме заедничка историја ( со Бугарија – н.з.) во политичкиот контекст на разбирањето на заедничката историја“, објасни историчарот.

„Од аспект на поклонение на македонскиот великан Гоце Делчев, се разбира дека секој може слободно да дојде да се поклони. Меѓутоа, се знае дека тој е наш, македонски национален херој и тука нема двојба во однос на тоа дали треба да се дели со некој друг“, недвосмислен е Панов.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top