Македонија

Перо Камиказа: Некои животите ги поарчија за Македонија, а непрокопсани лубеничари за пет гроша нè продадоа

Фронтменот на „Меморија“ за солунските атентатори од предвечерјето на Илинден 1903 наспроти среброљупците век подоцна

1 минута за читање

Фронтментот на групата „Меморија“, Петар Георгиевски-Камиказа, повлече паралела меѓу солунските атентатори, кои со низа бомбашки напади во Солун во предвечерјето на Илинденското востание сакаа да го привлечат вниманието на европската јавност за македонското прашање, и тие што над еден век подоцна пробаа да го затворат спротивно на волјата на македонскиот народ.

„За вакви идоли и идеали ви говорам. Некои животите ги поарчија за да го свртат вниманието за Македонија! А вие непрокопсани среброљупци и лубеничари за 5 гроша нè продадовте ко на Ат пазар, топтан!!!

Едно сигурно знам, кога ќе го напуштите овоземскиот свет, голем дел од вас во најцрни маки, ќе им закачите таква пизма на вашите поколенија што илјадници сребреници нема да ги откупат вашите гревови. Токму тие, вашите потомци, ни криви ни должни, ќе ги плаќаат вашите долгови кон сопствениот народ со пекол кој не можете ни да го замислите!

П.С. За помладите: Ова се Солунските атентатори!“, напиша тој на Фејсбук над фотографијата со дел од десеттемина велешки гемиџии Јордан Поп-Јорданов – Орцето, Константин Кирков, Димитар Мечев, Илија Трчков, Владимир Пингов, Павел Шатев, Марко Бошнаков, Милан Арсов, Георги Богданов и Цветко Трајков:

Поврзани теми:

избор|Петар Георгиевски-Камиказа|„Меморија“|Солунските атентатори

Најнови вести од: Македонија

Премиерот Мицкоски на првиот академски час на Универзитетот „Гоце Делчев“ во Штип

Првиот академски ќас ќе се одри и на универзитетите „Св. Кирил и Методиј“ во Скопје, „Св. Климент Охридски“ во Битола,  Државниот универзитет во Тетово и „Мајка Тереза“ во Скопје, на „Св. Апостол Павле“ во Охрид.

Героски: Филмот „Враќањето на бугарскиот Цар Самуил во татковината Бугарија“ е пропаганда и мизерија на најјако!

Ете баш вака изгледа „заедничката историја“ на европејски начин. Сите коски се бугарски! Политичка митологија и пропаганда пуштени на најјако. Грда и болна демонстрација на сила. Мизерија. А допрва ќе мора да признаеме дека нашата „заедничка историја“, всушност, е туѓа. Дека сме ја украле. Дека сме фалсификатори и лажговци. Дека, всушност, сме измислени и дека не постоиме. Уште има некој кому ова не му е јасно? Ова го истакнува новинарот Бранко Ѓероски во својата колумна со наслов „Цар Самуил се враќа во ‘татковината Бугарија’ со самолет, aj па ние утре Гоце Делчев ќе им го вратиме со дрон!“, објавена во порталот „Плус инфо“.

Манасиевски до Кузеска: Вие сте предавници, ВМРО ДПМНЕ е против „Бугари во Устав“ под бугарски диктат!

На телевизија Канал 5 во емисијата „Само Вистина“ гостуваше портпаролот на ВМРО-ДПМНЕ, Валентин Манасиевски кој се осврна на актуелните случувања поврзани со уставните измени и односите со Бугарија и порача дека ВМРО-ДПМНЕ е против уставни измени под бугарски диктат.

Шамбевски: Бугарија чини катастрофално погрешен чекор во однос на Македонија со моштите на Самоил! Може да ги пренесе, но не и Самоиловата тврдина од Охрид!

Споменот на Царот Самоил е во многу нешта заслужен за развивање на македонскиот национален идентитет и како таков бил светилник во најтемните денови на овој народ. Неговите коски можете да ги преместите колку сакате. Но, планините, езерата, градовите и историските траги не ги собира во ковчег!“ – реагира Оливер Шамбевски, македонски политичар и поранешен амбасадор на Република Македонија во низа светски држави, во врска со циркусот така наречен „враќање на моштите на цар Самуил во Бугарија“.

ВМРО ДПМНЕ: Каракачанов да си ги покани во Бугарија Заев и Филипче на пренесување на моштите на цар Самоил, кој има неизбришлива трага за Македонија!

„Во однос на поканата на Каракачанов до лидерот на ВМРО- ДПМНЕ Мицкоски за присуство на пренесување на моштите, посоодветно е таа покана да ја испрати до неговите истомисленици Зоран Заев и Венко Филипче.“ – реагира ВМРО ДПМНЕ кон Красимир Каракачанов. Претходно, во текот на овој ден, на 30 септември 2026 година Красимир Каракачанов, во улога на претседател на бугарската партија ВМРО и поранешен бугарски вицепремиер му упати дрска и провокативна покана на лидерот на ВМРО ДПМНЕ и претседател на Владата на Македонија Христијан Мицкоски „да присуствува на 3 октомври 2026 година на враќањето на посмртните останки на големиот бугарски владетел цар Самуил во неговиот роден град, во Софија, како знак на почит кон една од најзначајните личности во нашата заедничка средновековна историја“!
Сите вести од Македонија

Најнови вести

To top