Македонија

Петрушевски: Владата нема да прифати ниеден илегален мигрант, ниту постои план за изградба на шатори, кампови или центри

„Идеолошка профилација на ВМРО-ДПМНЕ како политичка партија е дека апсолутно сме за борба против илегалната миграција, а не за либерализација на мигрантите, нешто што било својствено за одредени политички партии. Ние апсолутно немаме никаква намера да прифатиме никакви илегални мигранти. Апсолутно е лага дека ќе се градат било какви шатори, кампови, центри. Ова прашање е регулирано и во Договорот за стратегиско партнерство со Велика Британија.“ – нагласи пратеникот од ВМРО ДПМНЕ Бране Петрушевски во вечерашното гостување во емисијата „Топ тема“ на ТВ Телма.

2 минути за читање

Пратеникот од ВМРО-ДПМНЕ Бране Петрушевски посочи дека Владата, предводена од ВМРО-ДПМНЕ, нема намера да прифати ниту еден илегален мигрант и оти не постои план за изградба на шатори, кампови или хабови. Тој се осврна и на новиот владин проект „Безбедна земја“, чија цел е да ја зајакне контролата врз граничната линија преку техничка опрема, камери и други системи за надѕор. Според него, ова ќе помогне за спречување на илегалната миграција и за ограничување на шверцот и нелегалната трговија.

„Ќе го зајакнеме граничното управување. Денеска премиерот најави нов проект налик на ‘Безбеден град’ (‘Safe City’,  само што ќе биде ‘Безбедна земја’ – ‘Safe Country’. Целата гранична линија ќе биде обезбедена со камери и технички помагала. Покрај спречување на илегалната миграција, ќе се спречува и шверц и нелегална трговија. За овие чекори добиваме пофалби од членки на ЕУ.“ – напомна Петрушевски.

Тој повтори дека Владата прави јасна разлика меѓу мерките за спречување нелегални преминувања и прифаќање мигранти. „Да не ја замајуваме јавноста: едно е борба против илегална миграција, за што сме за соработка со нашите партнери, а друго е прифаќање илегални мигранти. Оваа Влада нема намера ниту да разговара, ниту да прифати. И тоа денеска многу јасно го објасни премиерот.“ – додаде пратеникот од ВМРО ДПМНЕ Бране Петрушевски. 

Поврзани теми:

топ|актуелно|Влада на Република Македонија|илегални мигранти|проект „безбедна земја“

Повеќе на оваа тема:

Најнови вести од: Македонија

Интервју: Глупост е Самуил да се враќа во Бугарија, тој таму никогаш и не бил, вели професор Атанасовски

Професорот Александар Атанасовски, чија специјалност е средниот век, вклучително и времето на Византија и Самуиловото Царство, беше гостин во емисијата Радио Точка, во рамки на програмата Хоризонт на Бугарското национално радио БНТ. Централна тема – договорот меѓу Бугарија и Грција за пренесување на наводните коски на цар Самуил од Солун во Софија.

(Фото): Означен стартот на 22. издание на „Виз Ер Скопски маратон“, улиците преполни со учесници

Град Скопје е покровител на спортската манифестација, а градоначалникот вели дека градските служби се подготвени да ја обезбедат потребната поддршка за нејзино успешно одржување.

Пола Скопје ќе биде затворено за сообраќај – стартува 22. издание на „Виз Ер“ Скопскиот маратон

Од Министерството за внатрешни работи апелираат граѓаните да го избегнуваат движењето по овие сообраќајници во периодот од 06:00 до 14:00 часот и да ги почитуваат наредбите на полициските службеници на терен.

(Видео): Државата е енергетски стабилна, се очекува поевтинување на горивата, вели Мицкоски

Државата не е голем потрошувач на гас и постои план за справување со можните предизвици, велат од Владата. Премиерот кажа и дека разговарал со големите нафтени компании. Премиерот очекува и поевтинување на горивата веќе од следната недела.

Во пресрет на грејната сезона – парно, струја, дрва: Што најмногу го празни џебот?!

Најефикасното, но и најскапо современо решение е топлотна пумпа систем воздух-вода. Оваа инвестиција бара помеѓу 6.500 и 9.000 евра, иако потоа месечната потрошувачка на струја за целата куќа е приближна на трошокот за два инвертер уреди. За домаќинствата кои немаат буџет за вакви системи, поставувањето на три поквалитетни инвертер клими со инвестиција од околу 2.500 евра.

Секоја десетта цигара во ЕУ е нелегална, црниот пазар ја опфаќа и Македонија

Предизвик за европските институции не е само растот на нелегалното производство, туку и неусогласениот начин на кој земјите му се спротивставуваат. Националните системи за контрола и спроведување значително се разликуваат, кривичните дела и казните не се доволно хармонизирани, а и натаму постојат празнини во соработката и размената на информации меѓу надлежните институции.
Сите вести од Македонија

Најнови вести

To top