Македонија

По 17 јуни ќе продолжи постапката за смена на државниот обвинител Коцевски

За една недела треба да биде подигнато и обвинението за трагедијата во Кочани, а по ова ќе продолжи и постапката за разрешување на државниот обвинител Љупчо Коцебвски, пишува Плусинфо. Порталот потсетува дека Владата, по почетокот на истрагата на обвинителството за пожарот во кочанската дискотека, ја запре постапката за разрешување на Коцевски почната во февруари, за […]

За една недела треба да биде подигнато и обвинението за трагедијата во Кочани, а по ова ќе продолжи и постапката за разрешување на државниот обвинител Љупчо Коцебвски, пишува Плусинфо.

Порталот потсетува дека Владата, по почетокот на истрагата на обвинителството за пожарот во кочанската дискотека, ја запре постапката за разрешување на Коцевски почната во февруари, за да овозможи непречено да се работи на случајот.

На крајот на март кога почна истрагата за пожарот во Кочани ппремиерот Христијан Мицкоски нпојасни зошто е запрена постапката.

„Во овој момент, имајќи ја предвид чувствителната ситуација во општеството, планираме таа постапка да ја прекинеме таму каде што се наоѓа, затоа што цениме дека обвинителите кои што работат на случајот во Кочани, треба да работат и да сработат, да им дадеме шанса да сработат. Јас кога кажав дека сме задоволни, впрочем можев да видам дека постои една заедничка акција и работа меѓу МВР и Јавното обвинителство што резултираше со 34 обезбедени лица коишто имаат и најмал сомнеж за поврзаност со овој случај “, рече тогаш Мицкоски.

На 18 февруари, Министерството за правда на владината седница го достави мислењето за работата на државниот обвинител Љупчо Коцевски, во кое бил нотиран нарушен углед на институцијата со која раководи јавниот обвинител, спротивно на член 4 став 1 од Законот за Јавно обвинителство.

Согласно вака утврденото мислење, Владата го задолжи Министерството за правда да достави предлог за разрешување на јавниот обвинител Љупчо Коцевски. Откако ќе го добие Владата треба да го достави предлогот до Советот на јавните обвинители од каде, согласно законските одредби, потребно е да се добие мислење. Советот требаше за 15, а најдоцна за 30 дена да врати мислење до Владата, дали се согласува или не со ваквиот предлог.

Најнови вести од: Македонија

ВМРО-ДПМНЕ објави нови 16 кандидати за градоначалници

Извршниот комитет на ВМРО-ДПМЕН, донел одлука за Куманово и Центар да се поддржат кандидатите кои ќе бидат предложени од коалициската партија ЗНАМ. ВМРО-ДПМНЕ на денешната седница на Извршниот комитет утврди 16 нови кандидати за градоначалници за локалните избори закажани за 19 октомври.

Обвинителството бара притвор за тројца за пожарот на депонијата „Вардариште“

Жителите на Аеродром секој ден во 18 часот ќе ја блокираат раскрсницата меѓу булеварите „АСНОМ“ и „Србија“ дури не се реши проблемот. Обвинителството бара притвор за тројца за пожарот на дивата депонија „Вардариште“.

Нов протест за депонијата во Скопје, се бара решавање на проблемот со „Вардариште“

Жителите на Скопје и околните општини повторно се подготвуваат да излезат на улиците во знак на протест против депонијата Вардариште, која во последните денови предизвикува неподносливи услови и загадување.

Православната црква во Америка формално ја призна автокефалноста на Македонската православна црква – Охридска архиепископија

Поглаварско сослужување го означува формалното признавање на автокефалноста на Македонската црква од страна на Православната црква во Америка

To top