Голема полициска операција на Управата за финансиска полиција во општините Липково, Куманово и Желино – во тек се претреси на повеќe локации поради сомнежи за организиран криминал, даночна измама, затајување данок и перење пари.
Рано изутрина, тимови од Управата за финансиска полиција започнаа координирана акција со упади на повеќe објекти во општините Липково, Куманово и Желино, каде моментално се спроведуваат детални претреси. Оваа операција е резултат на повеќемесечна истрага за дејствување на организирана криминална мрежа, за која постои сомневање дека се занимавала со злосторничко здружување, даночни малверзации, измами поврзани со даноци, перење пари и други финансиски кривични дела.
Според неофицијални извори, акцијата е насочена кон компании вклучени во трговија со нафтени деривати, кои се осомничени за криминални активности со штета проценета на над 7 милиони евра. Повеќe детали за операцијата се очекуваат по нејзиното завршување, во текот на денешниот ден.