„Пред пандемијата 2019 година соодносот на купување на станови и објекти за живеење бил поповолен во однос на кредитирањето. 65% се купувале на кредит, а остатокот од 35% во готово.
Сега, според информации од колегите во Народна банка, односот е 50-50, вели гувернерот Трајко Славевски во интервјуто за „Трилинг“
„Се разбира дека е вредно да се погледне од каде е изворот на тие средства. Ние не можеме да шпекулираме, најверојатно има и од заштеди“.
Славевски вели дека е општо е познато дека еден добар дел од млада популација, особено оние во лукративни дејности од ИТ технологиите кои работат за странски нарачатели ги добиваат приливите на сметки кои се во странство па од таму подигаат готовина која ја внесуваат во Македонија.
„За други извори на средства останува други надлежни органи тоа да го утврдат,“изјави Славески.
Според него, фрапантен податок е дека половина од становите се купуваат во готово, од каде доаѓа таа готовина, има ли контрола на потеклото на парите и дали е ова најпогодниот извор на криминал и пералница на пари и раст на сивата економија.