Македонија

Правосуден испит може да се полага само на македонски јазик

За да се стане судија, обвинител, адвокат и да се извршуваат други професии поврзани со правото, мора активно да се познава македонскиот јазик

Министерството за правда го отфрли барањето на 385 студенти Албанци кои бараат правосудниот испит да се одржува и на албански јазик

Од Министерството оценуваат дека такво нешто е спротивно на Уставот и важечкото законодавство.

Во долг одговор во кој се цитираат многу членови и закони од страна на министерството, од Министерството велат дека албанскиот јазик и неговото писмо се службени, но изјавуваат дека Законот за правосудниот испит не содржи одредби за полагање на правосудниот испит на јазик различен од македонскиот.

„Спроведувањето на Законот за употреба на јазиците не може да се разгледува изолирано, туку во корелација со други релевантни прописи, имено: Законот за адвокатура, Законот за судови, Законот за јавно обвинителство, Законот за извршување и Законот за нотаријат, како целина. Според тоа, правосудниот испит е фундаментален предуслов за влез во различни професии во судскиот систем, а во овој случај, потребата од активно познавање на македонскиот јазик како службен јазик на целата територија на Република С.Македонија произлегува од природата и целта на овие професии“, изјавија од  Министерството за телевизијата Шења.

За да се стане судија, обвинител, адвокат и да се извршуваат други професии поврзани со правото, мора активно да се познава македонскиот јазик.

„Еден од условите за избор на судија е лицето активно да го зборува македонскиот јазик. Во согласност со член 61 од Законот за јавно обвинителство, лице кое активно го зборува македонскиот јазик може да биде назначено или избрано за јавен обвинител“, изјави министерството.

Одговорот од Министерството за правда доаѓа една недела откако било побарано испитот по право да се полага на албански јазик а ова барање било поткрепено со  петиција потпишана од 385 студенти од различни универзитети или правни факултети, објави Телеграфи

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top