Македонија

Премиерот Мицкоски очекува есенва камен-темелник за инвестицијата од милијарда евра во гасификацијата на Македонија!

Претседателот на Владата на Република Македонија Христијан Мицкоски очекува на 12 јануари да има состанок, на кој дефинитивно ќе бидат констатирани приоритетите со сопственикот и менаџментот на компанијата „Акса“ за најавената инвестиција од милијарда евра во гасификација и конечно, ако сѐ оди според планот наесен, да почне со камен-темелникот во 2026 година.

Енергетскиот конзорциум „Акса“, од турската компанија „Казанчи Холдинг“, со која Владата претходно потпиша меморандум за соработка, е водечка турска компанија со над 25 години искуство, работи со инсталиран капацитет од над 3.500 MW во осум земји и оти работат во 22 земји на четири континенти. За најавената гасификација и инвестицијата на гигантот „Акса“, Мицоски нагласи дека студијата за изведливост е направена од реномирана светска куќа, а параметрите се јасни и приоритетите се дефинирани.

„Не е само овој проект со вредност до милијарда евра – имаме уште неколку проекти кои се работат и се разработуваат во делот на гасната инфраструктура и когенеративните гасни централи. Очекувам наскоро и за нив, преку прес-конференција, да ги информираме граѓаните што е тоа што е сработено“, изјави Мицкоски.

Енергетскиот конзирциум „Акса“, од турската компанија „Казанчи Холдинг“ со која Владата претходно потпиша меморандум за соработка, е водечка турска компанија со над 25 години искуство, работи со инсталиран капацитет од над 3.500 MW во осум земји и оти работат во 22 земји на четири континенти.

Со нив, како што беше претходно објавено има план за изградба на секундарна гасоводна мрежа, топловодна мрежа и когенеративните централи со 500 MW инсталиран капацитет кои произведуваат 4,1 TWh електрична енергија и 720 GWh топлинска енергија на годишно ниво – инвестиција од над една милијарда евра.

Нетпрес

Најнови вести од: Македонија

Мицкоски најави поевтини станови за брачни двојки помлади од 35 години

Без разлика во кој град и без разлика на кое место во Македонија, ниту една градежна компанија не може да добие дозвола за градба ако не оддели минимум 10 проценти станбена површина за брачни парови до 35 години, по цена која што ќе биде најмалку 20 проценти пониска од пазарната цена, најави премиерот Мицкоски.

Не се укинува вториот пензиски столб – законската одредба за 6%, се префрла во друг закон, рече министерот Велковски

Дали со предлогот за  бришење на членот 120, односно на одредбата за уплата на 6% во вториот пензиски столб власта ги доведува во ризик пензиските заштеди на повеќе од 650.000 граѓани кои се негови членови?!

Во Битола се одржа литија низ Широк Сокак со чудотворната икона на Пресвета Богородица Утешителка Паљурска

По Светата Литургија, чудотворната икона на Пресвета Богородица Утешителка Паљурска беше изнесена во свечена литија низ Широк Сокак, во која се вклучија свештениците, монашките заедници и бројните ходочесници. Со литијата заврши централниот дел од ходочестието во Битола.

Најнови вести

To top