Македонија

Премиерот за буџетот на правосудството: Повеќе од европскиот просек

Премиерот Христијан Мицкоски, во интервју за емисијата „360 Степени“ на Македонската телевизија, одговарајќи на прашања за финансирањето на правосудството и извештајот на Советот на Европа, направи споредба меѓу процентот од БДП што се издвојува за правосудството во Македонија и во Словенија, како и споредба на БДП по глава на жител во двете земји, а потоа ги спореди и платите на судиите.

Премиерот Христијан Мицкоски, во интервју за емисијата „360 Степени“ на Македонската телевизија, одговарајќи на прашања за финансирањето на правосудството и извештајот на Советот на Европа, направи споредба меѓу процентот од БДП што се издвојува за правосудството во Македонија и во Словенија, како и споредба на БДП по глава на жител во двете земји, а потоа ги спореди и платите на судиите.

– Платата којашто ја добива почетник судија во Македонија, бруто некаде е околу 19.134 евра годишно, според извештајот на Советот на Европа. Додека во Словенија таа плата е малку поголема од 34.000 евра бруто. Истиот судија почетник. Притоа, за БДП во Македонија истиот извештај вели дека е некаде над 6.600 евра по глава на жител, додека за словенечкиот вели дека е некаде над 27.000 евра по глава на жител. Со други зборови, платата на судија почетник во Словенија е за отприлика за 85% поголема од платата на судија почетник во Македонија, во услови кога БДП е за 350% поголем од БДП во Македонија – објасни Мицкоски кој споредувајќи го БДП во Словенија и во ЕУ со БДП во Македонија посочи дека разликата со Словенија е три спрема еден, а во услови кога БДП во Македонија по глава на жител е 6.600 евра и во услови кога БДП по глава на жител во ЕУ е над 30.000 евра, тоа е пет спрема еден.

Во врска со прашањето дали е потребно да се доделат повеќе средства за правосудството, со цел судовите и јавните обвинителства да функционираат поефикасно и да обезбедат поквалитетна правда, Мицкоски истакна дека нашата земја издвојува повеќе средства за правосудството од просекот и медијаната на земјите опфатени во извештајот на Советот на Европа, односно членките на таа организација.

– Ние издвојуваме 0,39% од БДП според анализата на Советот. Според нашата е 0,44%. Европскиот просек е 0,30%. По БДП по глава на жител, издвојуваме три пати помалку од европскиот просек, во услови кога нашиот БДП е пет пати помал – потенцираше Мицкоски.

Премиерот се повика и на податоци од Албанија, во контекст на честите споредби, каде што процентот од БДП за правосудството изнесува 0,2%, односно двојно помалку по глава на жител во споредба со Македонија.

На прашањето дали финансирањето на СЈО би можело да послужи како добар модел за финансирање на правосудството, Мицкоски одговори:

– СЈО не може да биде добар модел за финансирање, зашто на крај заврши спакуван во куфер Луј Витон.

Мицкоски нагласи дека проблемите во правосудството не се поврзани исклучиво со финансиските средства, туку со свеста, и истакна дека судиите се соодветно платени за да обезбедат многу повисок квалитет од сегашниот. Тој ја спореди својата премиерска плата со платата на претседател на основен суд, која е за 25% повисока од премиерската.

Премиерот повторно посочи дека во правосудството има многу чесни обвинители и судии, за разлика од малкумината кои влегуваат во јавни полемики со него. Притоа, тој го повтори својот предлог: да се достави список со информации до Владата за неопходните вработувања на асистенти и истражители, којшто ќе го одобри Судскиот совет или Советот на јавни обвинители, а Владата ќе го прифати како зголемување.

– Прифаќам, самите да си сработат список, да им одобри Судски Совет или Совет на Јавни обвинители, како што бараат за тоа што сакаат да го вработат и што им е неопходно, и тоа ќе го прифатиме како зголемување. Нека направат список колку им требаат истражители, колку асистенти, нека направат систематизација, нека унапредат како што мислат, нека им го одобри Судскиот и обвинителскиот совет, и нека нѐ информираат дека во Буџетот за оваа цел ни се потребни толку пари, и ќе ги одобриме. Јас сум одговорен кон парите на граѓаните што се трошат, како се трошат. Јавно порачувам, направете список, кажете колкави се фискалните импликации, со ребалансот ќе бидат дополнети тие пари. И тоа е јавно кажано неколку пати. Бидејќи сега имаат предвидени за цела година средства во Буџетот за плати за вработените во судството, во првите четири-пет месеци ќе се потроши дел од тие пари, и за нововработените ќе биде малку поголем тој дел, а таа разлика со ребалансот ќе им биде вратена за целата година – посочи премиерот.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top