Прекрасно поминат ден во Охрид по повод 12 август, Меѓународниот ден на младите, објави претседателката Гордана Сиљановска Давкова.
На настанот гостите ги презентирале своите ИТ-вештини, како и талентите во сликарството, танцот и музиката. Најуспешните средношколци ги споделиле искуствата од школувањето и плановите за иднината, а учесниците во меѓународната размена информирале за позитивните искуства од посетата.
,,За сите, важна претпоставка за младинското учество во процесот на одлучувањето е донесувањето на измените на Законот за младинско учество и младински политики.
Охрид ќе биде поубав, доколку се искористат знаењето, умот и талентот на младите луѓе, како носители на нови идеи.
Возрасните мора да им овозможат на младите учество во управувањето со сегашноста, ако сакаат подобра иднина”, стои во објавата на претседателката Гордана Сиљановска Давкова.
