Македонија

Претседателката Сиљановска-Давкова пречекана од италијанскиот претседател Матарела и премиерката Мелони

Македонската претседателка со првите луѓе на осмата економија во светот

Претседателката Гордана Сиљановска-Давкова вечерва во градот Таранто во Јужна Италија била пречекана од италијанскиот претседател Серџо Матарела и премиерката Џорџа Мелони.

,,Задоволство е да се дружите со политичари од висок ранг, собрани на спортски настан, особено кога домаќин е мојот колега, италијанскиот претседател Серџо Матарела, придружен од италијанската премиерка Џорџа Мелони”, објави претседателката Сиљановска-Давкова која се заблагодарува за поканата и топлиот прием којшто Матарела го приредил во чест на шефовите на делегациите, непосредно пред свеченото отворање на 20. Медитерански игри во Таранто.

,,Со гостите од три континенти од 20 различни држави, чувствувам обединувачки дух и подготвеност за пријателството и соработка меѓу народите”, порачува Сиљановска-Давкова од Медитеранските игри во Италија каде денеска се сретна со македонските спортисти.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

To top