Македонија

Продолжува судењето против поранешниот директор на Онкологија

Денеска во Основниот кривичен суд Скопје треба да продолжи судскиот процес против четворица онколози, вклучително и поранешниот директор на Клиниката за онкологија, Нино Васев, обвинети за несовесно лекување на пациенти.

Денеска во Основниот кривичен суд Скопје треба да продолжи судскиот процес против четворица онколози, вклучително и поранешниот директор на Клиниката за онкологија, Нино Васев, обвинети за несовесно лекување на пациенти.

Претходното рочиште беше одложено поради отсуство на второобвинетата Мери Пешевска, чиј адвокат достави медицинска документација и барање за одлагање. На обвинителна клупа тогаш беа присутни првообвинетиот Васев, како и онколозите Симонида Црвенковска и Драган Јакимовски.

Одбраната поднесе дополнителни докази со кои се оспоруваат вештачењата на Обвинителството, а адвокатот на Васев побара исклучување на дел од доказите добиени од Словенија, тврдејќи дека вештакот Маја Радник нема официјален статус во таа земја. Обвинителката Ана Гоговска Јакимовска оцени дека овие наводи се неосновани, бидејќи обвинителниот акт веќе ја поминал фазата на оценка.

Судијката Снежана Марковска го одобри барањето за одлагање, за да може Судот да се запознае со новите барања на одбраната.

Обвинението ги товари лекарите за продолжени „тешки дела против здравјето на луѓето“ и „несовесно лекување“, при што кај 29 пациенти биле применети неподобни терапии, со отстапувања во дозирањето и без соодветна проценка на здравствената состојба.

Паралелно, против Васев и поранешниот економски директор на Клиниката е поднесено и друго обвинение за злоупотреба на службена положба и проневера, со предизвикана штета од над 2,2 милијарди денари на државниот буџет.

Најнови вести од: Македонија

Врз 13 пациенти непотребно се правеле операции – министерството за здравство ќе проверува кој си играл со здравјето на луѓето?!

Комисија веќе имаше состанок, заврши со осумте наоди кои ги имаме, имаме уште пет други кои ќе продолжат, надворешната комисија ќе дојде кога ќе бидеме спремни. Не се правно договорени заради законските пречки, тоа ќе биде после изборите, рече ресорниот министер.

Град Скопје со кривична пријава кон „Комунална хигиена“ оти не го собира ѓубрето

Проблемот со отпадот во Скопје не е само сега, тој се провлекува со години наназад, а дел од општините преку разни активности со свои капацитети се обидуваа колку толку да исчистати покрај тоа што граѓаните редовно плаќаат за оваа услуга.

To top