Откако на радио емисија ги нападна приватните болници дека наводно правеле кардиолошки интевенции без да мораат да го прават тоа интервентниот кардиолог Сашко Кедев го нападна и Фондот за здравствено осигурување дека не преземал одговорност за состојбите во приватните болници.
Во вестите на Канал 5 Кедев раскажувајќи за 14 освоени највисоки светски врвови во рок од само 4 години во овој контекст индиректно го прозва директорот на Фондот за здравствено осигурување Сашо Клековски.
Според Кедев Фондот за здравствено осигурување треба да си ја земе одговорноста за тоа што плаќа на приватните болници како услуги а новиот здравствено механизам наречен Национален срцев тим ќе му помогнел на ФЗО да биде сигурен дека тоа што го плаќа му е потребно на граѓанинот.
Директорот на Фондот за здравство Сашо Клековски кој практично е обвинет дека не презема одговорност за контрола на работата на приватните болници засега не реагира на обвинувањето од Кедев.
Зборувајќи за можните решенија за дебатата која тој ја покрена Кедев вели дека решение би било формирање на национален ,,Срцев тим” составен од членови од повеќе специјалности.
Во настапот Кедев признава дека оваа идеја која јавно ја предложи министерот за здравство Азир Алиу е всушност негова.
Кој ќе го формира тој тим и како специјалисти кои работат во државното здравство ќе решаваат за тоа кој ќе се оперира во приватни болници Кедев не откри.
Целта според Кедев е за запре профитот при лекување на пациенти.