Основното јавно обвинителство од Кочани изврши увид на лице место во близина на Виница, каде беше пронајдено тело на починато машко лице со прострелна рана од огнено оружје.
Со преземените дејствија до овој момент, починатиот е идентификуван како ловочувар кој бил дел од група за комерцијален лов.
Во тек се интензивни дејствија за обезбедување на докази, вршат се претреси и се спроведуваат соодветни вештачења на траги.
Задржани се тројца странски државјани и еден македонски државјанин, кои биле дел од групата за комерцијален лов. Со нив се врши испитување за евентуална инволвираност во пукањето.