Професорот Фрчкоски напишал колумна. По обичај, интересна, дури и забавна. Полна со навреди кон мнозинството од граѓаните на Македонија и “советодавна” кон оние што ги нарекува левица/либерали. Тоа се според мене, не повеќе од стотина ментални евнуси, но сепак и тие имаат право да добијат совет. Чудовишните навреди нема што да се коментираат.
Сељачки и простачки изрази на немоќ не треба да бидат предмет на никаква расправа, доволен е само чист, прекрасен, велелепен презир. Инаку во колумната, профата сосема непотребно, цитира купишта автори, па во еден момент меѓу нив го додава и Тричковски. Што да се каже за типус кој во ист текст ги цитира Ниче, Жижек и Тричко? И не се шегува, сериозен е….
Но да се вратиме на советите кон левицата/либералите. Требало да се осмелат и да ги превреднуваат сите вредности, токму според ничевскиот модел. Да излезат од комфор-зоната, смело да обзнанат нови парадигми. Сериозно?
Ана Чупевска и Венко ќе и понудат на нацијата нови, современи, би рекол и дрско храбри патеки на либерален патриотизам врз база на скромност?
Идеолози во тој подвиг ќе бидат, верувам, професорот лично, Тричко и кој знае, можеби Нано Ружин?
Тоа што СДСМ како партија стожер на ова друштвенце и што е поважно, како идеја е целосно пропаднат случај, тоа што скриен лидер и натаму е еден неказнет крадач со три одделенија школо, тоа нема врска. Филозофијата дозволува и такви испади.
Важно е само да се потсети дека десницата е составена од крвожедни и глупи ѕверови зависни од диктатори, да се цитираат без никаква потреба со ништо поврзани мислители и на крај да се поделат мудри мисли кои треба да ги голтне флуидното друштво на поразени елементи, чија единствена врзивна точка е болната желба за власт по секоја цена и готово. Сте завршиле работа.
Понатаму нека мислат тие како да ги отелотворат неговите празни зборови во концепт за ново освојување на власта. Јок. Нема да се случи. Пројде возот. Но, кој да ти каже Ивана,, кога си го промашил перонот, а времето едноставно те прегазило.
Фејсбук статус на новинарот и водител на емисијата Заспиј ако можеш Драган Милосављевиќ