Македонија

Прв независен советник во советот на град Скопје: Бајрами се одвојува од алијансата за интеграција на ДУИ

Со оваа промена, Бајрами ја напушта коалициската рамка на „НАИ“ и во иднина ќе гласа и ќе дејствува во Советот без партиска или коалициска припадност.

2 минути за читање

Наим Бајрами, советник во Советот на Град Скопје, кој досега беше дел од Алијансата на Албанците и коалицијата „НАИ“ (предводена од ДУИ), од денеска ќе продолжи да делува како независен член на Советот.

Ова денеска го потврди претседателот на Советот на Град Скопје, Даме Димитровски, повикувајќи се на официјален допис доставен до Советот на 9 јануари 2026 година.

„Ве известувам дека согласно дописот од 09 јануари, членот на Советот Наим Бајрами, од НАИ, во понатамошната работа на Советот ќе делува како независен член на Советот“, изјави Димитровски.

Од своја страна, Наим Бајрами потврди дека одлуката е донесена од неговата матична партија.

„Одлуката да настапувам како независен советник е одлука на мојата матична партија. Ќе останам да бидам критичен“, рече тој.

Со оваа промена, Бајрами ја напушта коалициската рамка на „НАИ“ и во иднина ќе гласа и ќе дејствува во Советот без партиска или коалициска припадност. Тоа значи дека тој повеќе не е дел од групата советници на Алијансата на Албанците / ДУИ во скопскиот Совет, што може да влијае на гласачките блокови, особено во тесни одлуки каде што се бара мнозинство.

Ова е прв позначаен случај на „независен“ советник во тековниот состав на Советот на Град Скопје по локалните избори во 2025 година.

Поврзани теми:

топ|ДУИ|независен|НАИ|совет на град скопје|Наим Бајрами

Повеќе на оваа тема:

Најнови вести од: Македонија

Македонската култура во фокусот на 35. Меѓународен саем на книгата во Абу Даби

Во рамки на програмата „Балканска култура – почесен гостин“, Македонија на посетителите им претставува дел од своето богато и повеќеслојно културно наследство, како и современата книжевна продукција

Модернизиран команден центар, „Безбеден град“ ставен во функција во Велес

Новиот команден центар е сместен во целосно реконструирани и реновирани простории кои во минатото биле користени од Министерството за одбрана, а потоа околу 15 до 20 години не биле во употреба. Со нивното ставање во функција, СВР Велес добива современ простор од кој се реализираат активностите поврзани со системот „Безбеден град“

Крст во чест на 63-те жртви од „Пулс“ поставен на влезот во Кочани

Овој крст ќе нè потсетува и на болката и трагедијата што се случи овде во нашиот град. На повредените нека им подари здравје, сила и поткрепа да закрепнат и дај Боже постојано да останеме во заедница, во љубов со Бога, со силата на крстот

СДСМ бара истрага за 5,5 милиони евра за прославата

Пет милиони евра народни пари кога ќе се потрошат, граѓаните мора да знаат секој денар, секое евро каде завршило. Владата мора да ги објави договорите, анексите, фактурите, банкарските исплати, примателите, изведувачите, добавувачите и пресметаните даночни обврски

Мицкоски: Потврдувањето на кредитниот рејтинг од страна на „Фич“ е уште една лоша вест за опозицијата

​Три години водат кампања дека секоја година само што не сме банкротирале, буџетот бил без пари, економијата назадувала и така натаму. ​Одговорите стигаат од сите страни, од Светска банка, од Меѓународниот монетарен фонд, еве и од сега од реномирани кредитни агенции како што е „Фич“
Сите вести од Македонија

Најнови вести

To top