Лицето Мартин К. кој доживувал трауми од страна на поранешното СЈО ги коментира полските на обвинителката Ленче Ристовска која се пожали дека чувствувала притисок од ВМРО-ДПМНЕ.
Мартин К. ја потсетува Ристовска дека вистинскиот нечовечки притисок го правеле обвинителите на СЈО.
Мартин К. не сака Ристовска да го доживее тој притисок кој го правеле луѓето од СЈО но се надева дека ќе одговараат за своите злодела.
,,Интересен избор на зборови од некогашниот ʼЧарлиев ангелʼ, од ѕвездата во подем, од главниот стрип јунак и ѕвезда во документарен филм кој македонската кинематографија дотогаш немаше видено…. Доживувала притисок и заплашување од партиско соопштение?! 😳🤷♂️
Не си ти Ленче единствената таму, сите сте подеднакво виновни и се надевам дека еднаш, некогаш ќе дојде тој ден кога сите вие кои бевте дел од таа квази институција ќе одговарате за злоделата кои ги правевте глумејќи ʼЕлиот Несʼ. Оштетување на државниот буџет, (за што постои ревизорски извештај, по кој по дефолт требаше сите да бидете суспендирани и сите случаји кои ги водевте и покренавте по распадот на тоа криминално дувло требаше да бидат ништовни, а не да ги пренесете на салфетка во редовното ЈО и сите вие заедно со нив да се натокмите на високи позиции), за злоупотреба на службена положба, за несовесно работење во служба и подметнување на докази, за заплашување и уценување на сведоци со цел давање лажни изјави и така натаму, и така наваму…”, пишува Мартин К. кој се обидува на Ристовска накратко да и објасни што е притисок и заплашување за обвинителката да може да направи проста споредба.
,,Притисок и заплашување, драга Ленче е кога по ваша наредба МВР им упаѓаше на луѓето дома во 5 саат сабајле и ги апсеше како најголеми криминалци, без никаков доказ. Кога со истите решенија на кои само менувавте име и презиме, судија на претходна постапка ви стоеше мирно и одредуваше притвор како да дели ужинка на деца од целодневна настава!
Притисок и заплашување е кога на пример на секои 3 месеци пуштавте барање за прибирање на документација иако еднаш претходно веќе ви била доставена, ама секој обвинител посебно си доставуваше барање. Случајно нели. За тие 5 години ваше постоење сум однел 16 полни класери со документи. И кога тоа не било доволно, секој следен месец се јавувале полукриминални ликови кои се претставувале како истражители барајќи средби по некои полутемни дупки барајќи нови документи и информации или правеле упад па си одземале сами оригинални документи и немало на кого да се жалиш, бидејќи нели, вие бевте и кадија и судија.
Притисок и заплашување, уште по драга Ленче е кога на секои 3-4 месеци те вика нов обвинител, некој и по два-три пати, а таму бевте 10 такви, за секакви глупости, со истата сценографија шетање во круг и дување дим од цигари во лице како сцена од ефтин источно германски филм од 78ма и реторика од типот, ʼразмисли убаво, имаш фамилија!ʼ од тоа дали сум донирал крв и пари на партијата, до тоа дали и кој ми рекол за ова или за она, па до тоа од кај го познаваш овој или оној и зошто…
Во кратки црти, тоа е притисок и заплашување, најдрага Ленче. Ама ти не знаеш ништо за тоа. И се надевам дека нема никогаш да дознаеш.
Ама, се надевам дека ќе одговарате за своите злодела, порано или подоцна!”, пишува една од жртвите на СЈО кон кого се изживувале луѓето под команда на Катица Јанева.