„Од огранокот на ДУИ во Сарај не можат да им простат на Али Ахмети и на Блерим Беџети, што им ја препуштија општина Сарај на Арбен Таравари и на неговата Алијанса за Албанците.“ „Али Ахмети, Арбен Таравари те нарече лице со ментални проблеми, а ти му даде моќ и во Сарај, каде што овој човек никогаш не бил пожелен за гласачот од оваа општина!“ – му порача огранокот на ДУИ од Сарај на својот лидер Ахмети. Ова го пренесе информативниот портал на албански јазик „Фол“ во својата информација со наслов „Голема скршеност во Сарај: активистите на ДУИ се чувствуваат предадени“.
Натаму порталот пишува: Од огранокот на ДУИ во Сарај велат дека 10 илјади гласови одат курбан за 900 на АА на Таравари и оти оваа одлука им ги крши срцата на активистите на ДУИ.
Од овој огранок му се обратија на лидерот на ДУИ Али Ахмети:
„Али Ахмети, ти погреши многу за Сарај.
Сарај е најсилниот огранок во ДУИ, кој со своите активисти те правеше победник во секој изборен круг
Револт кај секој активист, со спуштена глава, скршен, разочаран.
Али Ахмети, Арбен Таравари те нарече лице со ментални проблеми, а ти му даде моќ и во Сарај, каде што овој човек никогаш не бил пожелен за гласачот од оваа општина.
Десет илјади и повеќе гласови од ДУИ ти ги даде за 999-те гласови од АА на Таравари.
Но, вистинскиот гласач ќе зборува во октомври! – напиша во објавата огранокот на ДУИ во Сарај – пренесе „Фол“.